Troa Qeje Nemen Gön La Itre Zonal
La Tour de Garde 15 Maac
“Hna lapaa ithanatane hnene la itre atr la traqa i Iesu Keriso. Tune kaa, ketre ewekë lai nyine troa ajan, me lapa treqene hnyawa, maine axouenyi së? [Nue pi troa sa.] Drei la aqane mekune i Ioane, atre cinyihane la Tusi Hmitrötr. [E jë la Hna Amamane 22:20.] Kola qeje pengöne hnene la zonale celë la hna troa kuca hnene la traqa i Keriso.”
Réveillez-vous! Maac
“Nyimutre la itre tane la fen ka pi draië catr. Tune kaa la mekuna i epun, ketre aqane ujë lai ka troa axulune la tingeting memine la ce mele e celë fen? [Nue pi troa sa.] Hanawange la hnei Tusi Hmitrötr hna qaja göi pi draië. [E jë la Ite Edomë 16:18.] Kola qaja hnene la hna cinyihane celë la itre manathith hna kapa qa ngöne la hna ipië.” Xome jë la hna cinyihan ngöne la götrane 20.
La Tour de Garde 1 Eip.
“Ame ngöne la nöjei drai, easë a cile kowe la itre jol, tune la itre sine mec, maine itre ejolene göi fami, me göi huliwa. Tune kaa, ijije kö tro sa öhne la itre mekune ka lolo nge nyine mejiune kow thatraqane la itre jole cili? [Nue pi troa sa.] Drei la hna qaja hnei Tusi Hmitrötr ngöne 2 Timoteo 3:16. [E jë.] Kola amamane hnene la zonale celë la itre aqane ixatua ka lolo hna hamën hnei Tusi Hmitrötr.”
Réveillez-vous! Eip.
“Ngöne la nyimu götrane ne la fen, kola öhne hnene la itre atr laka, pë hë metrötre ne la ka ala nyimu kowe la itre thiina ka loi. Hane kö nyipunieti öhne la ewekë cili? [Nue pi troa sa.] Nyimutre la itre ewekë ka traqa enehila, kola eatrëne lo itre hna perofetane hnei Tusi Hmitrötr. [E jë la 2 Timoteo 3:2-4.] Kola amamane hnene la zonale celë la aliene la hna hape kola ethitre la itre trepene meköti göi thiina, memine fe la pune la ewekë cili.”