Troa Qeje Nemen Gön La Itre Zonal

La Tour de Garde 1 Maac

“Eahuni a pi atre la mekuna i epuni ngöne la xötre celë ka lolo. [E jë la Mataio 5:10.] Hapeue la mekuna i epun, troa madrine tune kaa la ketre atr, nge hna axösisi angeice pe? [Nue pi troa sa.] Kola qaja ngöne la lue pane hna cinyihan ngöne la zonale celë, la itre atr ka lapa madrin ngacama angatr a akötr. Eni a mejiune laka ketre ixatua koi epuni troa atre la aqane melëne angatre lai.”

Réveillez-vous! 8 Maac

“Hapeu, eje fe kö la mekuna i epuni laka ngacama hetrenyi la itre ejolen la mel, ngo loi e tro pala hi së a hetre hni ne ole? [Nue pi troa sa.] Ame la ketre kepin matre loi e tro sa hetre hni ne ole, tre hnene la aqane xupi së. [E jë la Salamo 139:14.] Drei la etrun la ole së pine laka atreine tro sa goe, me dreng, me pun la itre ewekë, me tupath la ehnyapan la itre göxen, maine troa ketr la itre ewekë, tune la hna amamane hnene la Réveillez-vous ! celë.”

La Tour de Garde 15 Maac

“Hapeue la mekuna i epun, ka hetre thangane kö la ini hna hamën hnei Iesu ngöne la hneijine së enehila? [Nue pi troa sa.] Maine jë epuni a hane kapa fe la wathebo hna hamën hnei Iesu, ngöne la drai tixenuë qëmeken tro nyidrëti a mec. [E jë la Ioane 15:12.] Hnei Iesu fe hna hamën la itre xaa ini ka tru alien ngöne la drai cili. Tro la zonale celë La Tour de Garde a amaman la aqane troa kepe thangan qa ngöne la hna trongën itre ej.”

Réveillez-vous! 22 Maac

“Hnei epuni kö hna hane wangatrehmekun laka nyimutre la itre atr enehila ka öhne la ejolen troa meköle hnyawa? [Nue pi troa sa.] Kola kökötr la jole cili qa ngöne laka tru la hna hnehengazo me kukehnin la itre ewekë. [E jë la Ate Cainöj 5:12.] Kola amaman hnene la zonale celë la itre kepin matre thaa meköle hnyawa kö së, nge ej a hamën la itre xaa mekun nyine ixatua ngöne la aqane tro sa kuca matre troa meköle hnyawa.”