Troa Qeje Nemen Gön La Itre Zonal

La Tour de Garde 15 Maac

“Ala nyimu the së la itre ka meci sineen. Hapeu, atre hnyawa fe kö nyipunieti la hna thingehnaeane celë ka akeukawane la itre hni së? [E jë la Ite Huliwa 24⁠:15. Thupene lai nue pi troa sa.] Nyimutre la itre atr ka thele ka hape, drei la hna troa amelene hmaca elany? Eu la ijine kola troa iamele? Nge ekaa la hna troa iamele ngön? Kola hamën hnene la zonale celë la aqane sa i Tusi Hmitrötre la itre hnyinge cili.”

Réveillez-vous! Maac

“Nyimutre la itre atr ka mekune ka hape ame Iesu, tre, Akötresie. Ngo hanawange pe la aqane wanga atrehmekunyi Iesu hnei Peteru, ketre atre drei nyidrë; ame koi angeic, tre, Iesu la Hupuna i Akötresie. [E jë la Mataio 16⁠:16.] Tune kaa la mekuna i epun, ijije kö troa qeje Iesu ka hape, Akötresieti nyidrë nge Hupuna i Akötresieti fe nyidrë? [Nue pi troa sa.] Kola troa sa la hnyinge celë ngöne la hna cinyihan götrane 12-​13, me hamëne la aqane wai ewekë i Tusi Hmitrötr.”

La Tour de Garde 1 Eip.

“Ka hlemu la itre hna ithanata celë ka qaja la enyipiewekëne la troa atre Akötresie. [E jë la Mataio 4⁠:⁠4.] Nyimutre la itre atr ka mekune laka ketre jole ka tru la troa hane trotrohnine hnyawa la Wesi Ula i Akötresie. Tune kaa la mekuna i epun? [Nue pi troa sa.] Kola hamëne hnene la zonale celë la itre mekune nyine ixatua ka lolo, nyine troa xatua epun troa trotrohnine la Tusi Hmitrötr.”

Réveillez-vous! Eip.

“Nyimutre la itre atr ka catre thele la manathith, ngo kösë ala xalaithe hi la ka öhn. Tune kaa la mekuna i epun, tro kö a xatuane la itre atr hnene la itre ewekë hna cinyihane wengën e celë, matre tro angatr a hane mele ka loi? [Amamane jë la itre mekune hna eköhagen, götrane 9. Thupene lai, e jë la caa xötr qa ngöne lo lai itre hna hamën.] Kola ithanatane hnene la zonal Réveillez-vous ! la itre hna amekötine qa hnine la Tusi Hmitrötr, nyine troa xatua së matre tro sa hetrenyi la nyipi manathith.”