Troa Qeje Nemen Gön La Itre Zonal

La Tour de Garde 15 Juun

“Hane kö nyipunieti öhne laka nyimutre la itre atr enehila ka isa thele meköt? [Nue pi troa sa.] Drei la ketre ceitune hna hamën e hnine la Tusi Hmitrötr, ngöne la ketre aqane troa eatrongë së ka cile hut. [E jë la ketre xötr qa hnine la itre mekune hna eköhagen g. 6-7.] Kola qeje pengöne hnene la zonale celë la aqane tro sa kepe thangane ka loi qa ngöne la hna trongëne la itre trepene meköti ne la Tusi Hmitrötr.”

Réveillez-vous! Juun

“Easë asë hi a ajan troa hetre manie thatraqane la itre aja së. Tune kaa la mekuna i epun, atreine hi tro sa hane hnehengazo menu pala ha hnene la hna thele manie? [Nue pi troa sa.] Hanawang la hna qaja göne la itre thangane la hna nyinyape thele manie. [E jë la 1 Timoteo 6:10.] Kola hamëne hnene la zonale celë la itre xaa mekune nyine ixatua ka lolo ngöne la aqane tro sa ahmaloeën la mele së, me atreine melëne la manie ka thaa tru menu kö, ngöne la easa thele troa eatrëne la itre hnëqa së.”

La Tour de Garde 1 Julai

“Hane kö nyipunieti thele la kepine matre kola qanangazone la itre atr pine la hane ngönetrei maine nöje i angatr, maine hnene laka isa qene hlapa kö? [Nue pi troa sa.] Drei la kepin hna hamën e celë. [E jë la 1 Ioane 4:20.] Kola sa hnene la zonale la hnyinge celë hna hape, ijije kö troa ce mele la nöjei pengöne atr?”

Réveillez-vous! Julai

“Thaa ceitune kö la atr memine la itre öni; ame itre öni, itre ej a mele thenge la itre hna amekötine hë kowe itre ej, ngo ame atr, hetrenyi thei angeic la atrein troa iëne la itre trepene meköt thatraqane la mele i angeic. Tro sa thele ixatua ekaa? [Nue pi troa sa. Thupene lai e jë la Salamo 119:105.] Kola qeje pengöne hnene la zonale celë la edraiëne la itre trepene meköt e hnine la Tusi Hmitrötr, ke itre ej la ka troa eatrongë së hnyawa.”