Troa Qeje Nemen Gön La Itre Zonal

La Tour de Garde Ogas 15

“Eni a ajane troa hane atre la mekuna i epuni ngöne la mekune celë. [E jë la Heberu 3:4.] Hapeu epuni kö a kapa la mekune celë laka, ketre Atre inamacane la ka ami trepene la hnengödrai me fene hnengödrai? [Nue pi troa sa.] Kola amamane hnyawa hnene la zonale celë maine ka ihmeku la mejiune kowe la Atre ami trepene la hnengödrai me fene hnengödrai memine la hna anyipicine hnene la nyipi Sias.”

Réveillez-vous! Ogas

Maine epuni a iöhnyi memine la ketre thöth, qaja jë ka hape: “Nyimutre la itre thöthi ka ce macatre me epuni hna akötrëne hnene la hna sili ithanata angatr. Hapeu, hane fe kö traqa lai koi epun? [Nue pi troa sa.] Kola hamëne hnei Tusi Hmitrötre la itre eamo ka lolo ka troa xatua së e akötrë së jë hnene la hna sili ithanata së. Eje fe a amamane la aqane tro sa dreisimine la itre ithanata ka iakötrë hna sile göi së.” Amamane jë la hna cinyihane ngöne la götrane 12, nge e jë la caa xötre qa hnine ej.

La Tour de Garde 1 Sem.

“Ala nyimu la itre ka mekune laka, ixatua catre la itre ithuemacanyi hna hamën ekö hnene la ‘Isisinyikeu Ka Hekö.’ Ngo angatre a isa hnyingëne thele maine ka nyipi ewekë fe la itre hna amekötine hnene ej ngöne la hnedrai së enehila. Hapeue la mekuna i epun? [Nue pi troa sa. Thupene lai, e jë la Roma 15:4.] Kola amamane hnene la zonale celë la eloine la itre eamo hna hamën hnene la ‘Isisinyikeu Ka Hekö’ kowe la hnedrai së enehila, me hamë së la nyipi mejiune thatraqane la itre drai elany.”

Réveillez-vous! Sem.

“Hapeue la mekuna i epun, Akötresie la qaane la itre hulö, tune la itre sa maine itre di pena? [Nue pi troa sa. Thupene lai e jë la Deuteronomi 32:4.] Kola qejepengöne hnyawa hnene la zonale celë la kepine matre Akötresie a nue la itre hulö cili. Eje fe a amamane hnyawa la aqane troa thupëne la fami i epun.”