Tusi Bethela

Drei Lai Tusi Hun koi Nyipunie Itretre Cainöj:

Eahuni a madrine troa goeëne la aqane kökötre la huliwa ne cainöje ngöne la filial ne Kaledonia lo macatre ne huliwa 2007! Kola elë la etrune la itre pionie lapaa ngöne la köni nöj: Ame lo treu Febuare, hna e la 35 lao pionie lapaa e Vanuatu, nge ame lo treu Eiperem kola traqa kowe la 10 e Wallis, nge 91 e Kaledonia. Epi tro Iehova a amanathithine la itre ka catre huliwa tune lai qa kuhu hni angatr!

Hna e la 96 667 lao tarak Itre Ithuemacanyi Ne La Baselaia Na. 37, “Calemi Catre Hë La Pune La Itre Hmi Ka Thoi!” hna hamëne trongëne ngöne la filial ne Kaledonia. Ketre ixatua ka tru la tro sa goeëne la elolone la aqane anyipicine e cailo fen kowe la itre atr ka ala milio! Ame ngöne la ketre götran, thaa meköle hnyawa kö la ketre söre ka nanazij, thupene la hnei eahlo hna kapa me e lai tarak. Ame ju kö lai Sabathi ka xulu, eahlo a sine la icasikeu me sipone troa inine la Tusi Hmitrötr.

Ame la aliene la itre huliwa celë, tre nyine troa xatuane la itre atr ka hni ka meköt troa hane atrehmekune la nyipi ini hna hamën hnei Tusi Hmitrötr. (Mat. 28:19, 20) Ame ngöne la epuni a cainöje trootro, mekune ju kö troa fejane la ëje ne la atr ka hetre hni ne ajan, nge bëeke jë troa eatrëne la aja së troa traqa kow, ene la troa nyiqaane inine la Tusi Hmitrötr me angeic. Eahuni a madrine troa caasi me nyipunie ngöne la huliwa ka nyipi ewekë celë, me hane qaja amamane la ihnimi huni koi nyipunie.

Itre trejine me nyipunie,

Biero Ne La Filial Ne Kaledonia