Kola Sa La Itre Hnyinge i Nyipunie

◼ Nemene la lue itus nyine tro sa inin memine la itre hnainin?

Ame la itus Ini Tusi Hmitrötr, tre celë hi itusi së ka nyipi ewekë nyine troa xome matre troa xomiujine la itre etid. Maine hna nyiqaane etid memine la ketre itus, tune la ketre tarak, loi e troa canga saze kowe la itus Ini Tusi Hmitrötr e maine ijije hi. Lolo catre la itre thangane la hna nyiqaane la itre etid memine la itus Ini Tusi Hmitrötr.

Ame la kola ase la itus Ini Tusi Hmitrötr, nge kola kökötre ngöne la ua hnene la hnainin, loi e tro pena sisedrëne la etid memine la itus Thili Jë Kowe La Akötresie. (Kol. 2:7) Kola qejepengöne la aliene la itusi cili ngöne la götrane 2: “Tusi Hmitrötr a upe asë la itre atr ka hnimi Akötresie troa ‘ce ate hnyawa . . . [la] edraiën, me ejuin’ ne la itre mekun ka nyipici nge ka sisitria. (Efeso 3:18) Hna hnëkëne hi la itusi celë matre troa eatrën la mekune cili. Eahuni a mejiune laka tro la itusi celë elanyi a xatua epuni troa kökötre ngöne la götrane ua, me hnëkë nyipunie troa hane xötrën la gojenyi ka ilitr, nge jëne tro kowe la mel ka eje ngöne la fene ka hnyipixe me ka meköti Akötresie.”

Maine ijije hë tro la hnainin a xomi bapataiso qëmekene troa fenesi la lue itus, tre, loi e troa sisedrëne lue ej uti hë la pun. Maine hna bapataisone hë la hnainin, tro la ka xomiujine la etid a e la traeme i angeic, me vizit, me etid. Ame la trejine ka ce sine me angeice la etid, maine kola hane sine la porotrik, tro angeic a hane e fe la traeme i angeic.