Troa Qeje Nemen Gön La Itre Zonal

La Tour de Garde 1 Okotropa

“Nyimutre enehila la itre atr ka thaa lapaune hmaca kö kowe la ketre Atre Xup. Hapeue la mekuna i epun, nemene la kepine lai? [Nue pi troa sa.] Hanawange la ketre kepin hna hamëne hnene la itre xötre celë. [E jë la Habakuka 1:2, 3.] Kola xatua së hnene la hna cinyihane celë troa sa la itre xaa hnying göi Akötresie ka upe la itre atr troa thaa lapaune koi Akötresie.” Amamane jë la hna cinyihane ngöne la götrane 11.

Réveillez-vous! Okotropa

“Hapeu, epuni kö a kapa la mekune celë, laka nyimutre la itre fami enehila ka cile kowe la nöjei pengöne itupath? [Nue pi troa sa.] Ala nyimu la itre ka thatre la eloine la itre eamo qa hnine la Tusi Hmitrötr. Hanawange la ketre ceitun. [E jë la ketre xötr hnine la zonal.] Kola amamane hnene la Réveillez-vous ! celë ka ketre pengön, la aqane tro la itre trepene meköti ne la Tusi Hmitrötr a xatuane la itre fami troa elë hune la nöjei pengöne jol.”

La Tour de Garde 1 Nofeba

“Hapeue la mekuna i epun, ka xulu kö qaa kuhu hnine la Tusi Hmitrötr la itre ini hna hamëne ngöne la itre hmi? [Nue pi troa sa.] Kola hmekë së hnene la Tusi Hmitrötr troa thupëne hnyawa matre thaa tro kö a iaö së hnene la itre ini ka thoi. [E jë la Kolose 2:8.] Kola hamëne hnene la hna cinyihane celë la sikisi lao ini hna majemine hamëne hnei hmi, ka isazikeu memine la Wesi Ula i Akötresie.”

Réveillez-vous! Nofeba

“Nyipici laka hetrenyi asë hi së la itre ewekë celë, tune la mobilis me ordinatör. Hapeue la mekuna i epun, thaa ka aluuzi traeme kö itre ej maine pena ka aluuzi traem? [Nue pi troa sa.] Nyimutre la itre xaa atr ka kapa la ithuecatre celë, ene la troa huliwane la traeme së cememine la inamacan. [E jë la Efeso 5:15, 16.] Kola ithanatane hnene la hna cinyihane celë la aqane tro sa tuluthe me huliwane hnyawa la itre ewekë cili.”