Troa Qeje Nemen Göne La Itre Zonal

La Tour de Garde 1 Semitrepa

“Nyimutre la itre ka mekun, ka hape, ketre ifejicatre la kola qejepengö i Adamu me Eva ngöne lo tusi Genese. Kola mekune mina fe hnei itre xan, ka hape, thaa lue atr ka mele kö nyidro ekö. Hapeue la mekuna i nyipunie? [Nue pi troa sa.] Hanawange la aqane qeje nyidro hnei Iesu. [E jë la Mareko 10:6-9.] Kola hamëne hnene la hna cinyihane celë la itre nyine anyipicin, memine fe la itre kepin matre nyipi ewekë tro sa mejiune kow.” Amamane jë la hna cinyihan ngöne la götrane 12.

Réveillez-vous! Semitrepa

E jë la 1 Ioane 4:8. Thupene lai, qaja jë, ka hape: “Kola mekune hnene la itre xan, ka hape, Akötresieti a axösisine uti hë epine palua la atr ka ngazo ngöne la ifereno. Itre xane fe a mekune laka, thaa ka ihmeku kö la mekune cili memine la xötr hne së hna e. Hapeue la mekuna i nyipunie? [Nue pi troa sa.] Kola amamane hnene la hna cinyihane celë la ini hna hamëne hnei Tusi Hmitrötr ngöne la götrane cili.” Amamane jë la hna cinyihan ngöne la götrane 10.

La Tour de Garde 1 Okotropa

“Nyimutre the së la itre ka cile kowe la itre jol. [Qaja jë la itre xaa jole ka traqa ngöne la teritoare i nyipunie.] Hapeue la mekuna i nyipunie, ijije kö tro Akötresieti a xatua së ngöne la itre ijine cili? [Nue pi troa sa.] Ame ngöne la xötre celë, Iesu a amamane la ketre aqane xatua së hnei Akötresie. [E jë la Luka 11:13.] Kola qaja hnene la hna cinyihane celë la pengöne la uati hmitrötr, memine la aqane tro ej a xatua së.”

Réveillez-vous! Okotropa

“Nyipici laka, kola elë catre la itre jol hnine la nöjei hnepe lapa asë. Hapeue la mekuna i nyipunie, tro la itre fami a thele ekaa la itre eamo ka lolo me ka ixatua? [Nue pi troa sa. Thupene lai, e jë la Salamo 32:8.] Kola amamane hnyawa hnene la Réveillez-vous ! celë ka ketre pengön, la itre trepene meköti ne la Tusi Hmitrötr ka troa xatuane la itre hnepe lapa, e hnei angatre hna trongëne itre ej.”