Troa Qeje Nemen Gön La Itre Zonal

La Tour de Garde 1 Semitrepa

“Hetrenyi e itre xaa ijin la itre atr ka kuca la itre ewekë ka ngazo hnene laka thaa hna ini angatre hnyawa kö hnene la itre hene ne hmi. Hapeue la mekuna i epun, nemene la ka amenu angatr? [Nue pi troa sa.] Hanawange la ithuecatre hna hamëne koi së hnei Tusi Hmitrötr. [E jë la 1 Ioane 4:1.] Kola qaja hnene la hna cinyihane celë la kepin matre nyipi ewekë tro sa waipengöne hnyawa la itre ini hne së hna mejiune kow thenge la Wesi Ula i Akötresie.” Amamane jë la hna cinyihan ngöne la götrane 10.

Réveillez-vous! Semitrepa

E jë la Mataio 5:39. Thupene lai, hnyinge jë, ka hape: “Hapeue la mekuna i epun, Iesu kö lai a qaja, ka hape, maine ngazo la aqane ujë ne la ketre atr koi së, tre, tro hi sa lapa thaup, ngo thaa meköti pe? [Nue pi troa sa.] Kola mama ngöne la hna cinyihane celë la hna qaja hnei Tusi Hmitrötr göne la aqane tro sa isa amamane la emeköti së, me thele ixatua thei mus.” Amamane jë la hna cinyihane ngöne la götrane 10.

La Tour de Garde 1 Okotropa

“Nyimutre la itre atr e cailo fen ka thithi ngöne la nöjei hmi asë. Hapeue la mekuna i epun, Akötresieti kö a drenge hnyawa me sa la itre thith? [Nue pi troa sa.] Kola ithuecatre koi së hnei Tusi Hmitrötr troa thith. [E jë la Filipi 4:6, 7.] Kola hamëne hnene la hna cinyihane celë la sevene lao mekun hna xome qa hnine la Tusi Hmitrötr ka sa la itre hnying hna majemine qaja göne la thith.”

Réveillez-vous! Okotropa

“Ame itre xaa ijin, easa drenge, ka hape, hna nyi xetë hnene la ketre atr ka faipoipo hë, maine hna thoi hnene la itre ka kuci politik, maine pena hna wanaxoeëne la ketre hnei itre xan. Ame koi epun, jole hë enehila troa öhne la itre atr nyine troa mejiune kow? [Nue pi troa sa.] Nyimutre la itre atr ka jele nyipicine la xötre celë. [E jë la 2 Timoteo 3:1-5.] Kola qaja hnene la hna cinyihane celë laka hetrenyi pala kö la itre atr ka ijije troa mejiune kow.”