Loi e Tro Epuni a Ketre Ixatua Ka Sisitria Ngöne Qene Qëhnelö
1. Nemene la itre manathithi ka xulu qa ngöne la hna ce cainöj memine la ketre trejin?
1 Ame ngöne la ketre ijin, hnei Iesu hna upe la ala 70 lao itretre dreng troa cainöj, me “upi angate isa ala lue.” (Luka 10:1) Eje hi laka, jëne la hna amekötine cili, kola aijijëne la itretre drei Iesu troa itö ixatua me ithuecatrekeu ngöne la hna cainöj. Ame ngöne la easa ce cainöj memine la ketre trejin, tune kaa la aqane tro sa ketre ixatua?
2. Ame la kola nyiqaane ithanata hnene la sine tronge i epun, tro epuni a drenge tune kaa, nge pine nemen?
2 Hnene Hna Drenge Hnyawa: Loi e tro epuni a drenge hnyawa la kola nyiqaane ithanata hnene la sine tronge i epun. (Iako. 1:19) Maine kola e la ketre xötr, ce e jë me angeic ngöne la sipu Tusi Hmitrötre i epun. Goeëne jë la atr ka ithanata, maine sine tronge i epun, maine pena la atrene la hnalapa. E tro epuni a drenge hnyawa la porotrik, tro ha xatuane lai atrene la hnalapa troa hane ujë tune lai.
3. Eue la kola ajane hnene la sine tronge së tro sa xatua angeic?
3 Hnene La Hna Atreine Waiewekë Ngöne La Kola Ithanata: Ame la kola nyiqaane ithanata hnene la sine tronge së, easa atrunyi angeic hnene la hna nue angeic troa xomiujine la porotrik. (Rom. 12:10) Loi e thaa tro pi kö sa thepe ithanata. Maine angeic a thëthëhmin la mekune i angeic, maine pena kola amejëne la ketre mekun ka iajolë maine hnyinge pena hnene la atrene la hnalapa, loi e tro sa tupathe troa apexejene la itre mekune ne la sine tronge së, ngo thaa tro kö a saze taan mekun. (Ite edomë 16:23; Ate cai. 3:1, 7) Maine tro sa ithanata, loi e tro la trenge ewekë së a sajuëne la hna cainöjëne hë.—1 Kor. 14:8.
4. Nemene la ka troa akökötrene la madrine së me hetre thangane hnyawa la huliwa ne cainöje së?
4 Ame la kola bëeke hnene lo ala 70 lao itretre dreng ka cainöj isa ala lu, angatr a “madin.” (Luka 10:17) Ketre, maine tro sa drenge hnyawa me atreine waiewekë ngöne la easa ithanata me xatuane la itre sine tronge së, tre, tro ha eje the së la madrin, me hetre thangane hnyawa la huliwa ne cainöje së.