La Bible : une force dans votre vie

Hnene la Tusi Hmitrötr hna xatuane la itre milio lao atr troa saze la mele i angatr me hetre mele ka lolo. Nemene la itre xaa trepene meköti ne la Tusi Hmitrötr ka troa xatua së enehila troa cile kowe la itre ejolene la mel? Nyipici, tro hë nyipunieti a madrine troa öhne la mekune ka sa la hnyinge celë, hnene la hna goeëne hnyawa la hnaaluene götrane ne la DVD hna hape, La Bible : un livre historique et prophétique; nge ame la taan la video cili, tre, La Bible : une force dans votre vie. Thupene la hna goeëne la video cili, ijije kö tro nyipunieti a sa la itre hnyinge celë?

(1) Kola mama tune kaa laka, thaa ketre itusi menu kö la Tusi Hmitrötr? (Heb. 4:12) (2) Maine ijije hi tro la Tusi Hmitrötr a hamë mele ka lolo kowe la itre atr, pine nemene hö matre nyimutre la itre ka cile kowe la itre jol? (3) Nemene la taan ka sisitria ka eje e hnine la Tusi Hmitrötr? (4) Nemene la itre xötre ne la Tusi Hmitrötr ka ijije troa xatuane la itre trefën troa (a) atreine ifekeune la itre mekune i angatr, me (b) xomihnine la elëhni angatr? (5) Tune kaa la aqane troa saze me tro loi la mele ne la itre fami, hnene laka hna xome la aqane waiewekë ne la Keresiano göi faipoipo? (Efe. 5:28, 29) (6) Tune kaa la aqane amamane Iehova la ketre tulu ka pexej kowe la itre keme me thin? (Mar. 1:9-11) (7) Tune kaa la aqane tro la itre keme me thin a kuca, matre hetre ajan me pi hane qeje mekun hnene la itre atrene la fami ngöne la ijine angatr a ce inine la Tusi Hmitrötr? (8) Nemene la itre xaa ewekë hnei Wesi Ula i Akötresie hna qaja, matre troa upe la itre keme me thin troa hamëne la ka nyipi ewekë kowe la itre nekönatr? (9) Tune kaa la aqane tro la itre eamo qa hnine la Tusi Hmitrötr a xatuane la itre fami troa atreine huliwane la manie i angatr? (10) Nemene la itre trepene meköt göi troa nyidrawane la ngönetrei së, me göi xomi dorog me iji menu pala ha la kahaitr me göne la itre ejolene la mel, ka troa xatua së troa neëne la itre xaa sine mec? (11) Nemene la itre hna thingehnaeane hnei Tusi Hmitrötr ka troa xatua së? (Iobu 33:25; Sal. 145:16) (12) Nemene la aqane saze la mele i nyipunie hnene la itre trepene meköti ka eje e hnine la Wesi Ula i Akötresie? (13) Tro nyipunieti a xome tune kaa la video celë matre troa xatuane la itre xaa atr?