La Bible : un livre historique et prophétique

Le livre le plus ancien toujours d’actualité : celë hi la taan la pane götran ne la DVD hna hape La Bible — Un livre historique et prophétique. Thupene la hna goeëne lai video cili, loi e tro nyipunieti a sa la itre hnyinge celë:

(1) Nemene la itre götran ngöne laka ka ihmeku la hna qaja hnei Tusi Hmitrötr memine la sias enehila? (2) Tune kaa la aqane troa xecie e kuhu hni së laka, ame la itre Tusi Hmitrötre së enehila, tre, eje hi lo itre hna cinyihane hnapan? (3) Nemene la eketrepengönene la itre mataitus hnine la itre pepa hna ewathe ekö? (4) Nemene la aqane ixatua hnei John Wycliffe, me Johannes Gutenberg, me William Tyndale, me John Hus, me Martin Luther, me Casiodoro de Reina, me Charles Taze Russell, troa haöthe la fene hnengödrai hnene la Wesi Ula i Akötresie, nge tune kaa la aqane pi draië me icilekeu hnene la itre hmi kowe la Tusi Hmitrötr? (5) Tune kaa la aqane xatuane la itre atr hnene la itre eamo ka lolo qa hnine la Tusi Hmitrötr, troa cile kowe la itre mec (Sal. 34:8), me itre ejolene la pi elo mani (1 Tim. 6:9, 10), me isa lapa, me nyi xetë (1 Kor. 13:4, 5; Efe. 5:28-33), memine la pi aja mo (Mat. 16:26)? (6) Nemene la enyipicine laka, maine tro sa trongëne la itre trepene meköti qa hnine la Tusi Hmitrötr, tre, ijije hi tro sa thipetrije la isi pi nöj, me isi pi tribu, me iwangatrehmekunyi atr (Luka 10:27)? (7) Ngöne nemene götran matre hetre madrine ka tru, e troa fedre kowe la itre trepene meköti ka ej e hnine la Tusi Hmitrötr? (8) Tune kaa la aqane tro sa huliwane la video celë, matre troa xatuane la itre xan?—Wange ju la Huliwa Ne Baselaia ne Febuare 2006, götrane 8.