Itre Aqane Nyiqane Ithanata

Aqane Troa Nyiqane Inine La Tusi Hmitrötr Memine La Itre Atr Ngöne La Pane Mecixeni Ne Okotropa

“Ame ngöne la itre drai ka ngazo celë, nyimutre la itre jole hne së hna cile kow e hnine la itre hnepe lapa së. Tune ka la mekune i epun, tro sa thele eka la ixatua ka ijij, matre troa tro loi me madrine la hnepe lapa së?” Nue pi troa sa. Thupene lai, amamane jë la itre mekune ka eje fene la pane mekune ka tru ngöne la götrane 16 me 17 ne La Tour de Garde ne 1 Okotropa, nge e jë la ketre xötre hna hamëne hë. Hamëne pi la itre zonal, nge thele jë troa bëeke hmaca matre troa ce ithanatane la mekune ka sa la ketre hnying.

La Tour de Garde 1 Okotropa

Amamane jë la pane götrane la zonal, nge hnyinge jë ka hape, “Tro hë epuni a ujë tune ka, e traqa ju epuni atre ka hape, trengathoi la itre ini hna hamë epuni göi Akötresie? [Nue pi troa sa.] Hanawange la hnei Iesu hna qaja göne la aqane troa atrehmekune la itre ini ka nyipici qa ngöne la itre ini ka thoi. [E jë la Ioane 17:17.] Tusi Hmitrötre hmekuje hi la ka ijij troa amamane koi së la nyipici göi Akötresie. Kola ithanatane hnene la hna cinyihane celë la faifi lao ini ka thoi göi Akötresie, hna qaja amamane hnene la Tusi Hmitrötr.

Réveillez-vous! Okotropa

“Ame la aja i eahuni enehila, tre, ene la troa xatuane la itre hnepe lapa. Ame koi epun, nemene la jole ka tru hna cile kow hnene la itre keme me thin, ngöne la kola hiane la itre nekönatr? [Nue pi troa sa.] Nyimutre la itre keme me thine ka lapaune kowe la itre eamo hna hamëne hnei Tusi Hmitrötr. Drei la ketre ceitun, hnene la trengewekë celë hna xatua angatr, troa hajine hnyawa la itre nekö i angatr. [E jë la Efeso 4:31.] Kola amamane hnene la hna cinyihane celë la aqane troa xatuane la itre keme me thine hnene la itre eamo qa hnine la Tusi Hmitrötr, troa hiane hnyawa la itre nekö i angatr, qane la kola co uti hë la kola tru hnei nyudren.”