Itre Aqane Nyiqaane Ithanata

Aqane Troa Tupath Troa Nyiqaane Ini Tusi Hmitrötr Memine La Itre Atr Ngöne La Pane Mecixeni Ne Okotropa

“Itre ka thithi asë hi së. Goi thithi fe hnene lo itre atr ka tha lapaune kö koi Akötresie, ngöne la ijine kola traqa koi angatr la jol. Ngo hapeu, Akötresieti kö a drenge la itre thithi ne la itre atr asë?” Nue pi troa sa. Amamane jë la tröne la Ita Ne Thup ne Okotropa–Diseba, nge ce ithanatane jë memine lai atr la itre mekune ka sa la pane hnying; nge xome ju fe la ca xötr. Line pi hë la itre zonal, nge sipone jë troa bëeke hmaca troa ce ithanatane pena lai hnaaluene hnying.

Ita Ne Thup Okotropa–Diseba

“Eahuni a traqa troa wai epuni ke ala nyimu hë la itre atr ka xouene la aqane kökötr nyimenyime enehila lo itre iatr ka sis. Ame kowe la itre xa atr, tre ka pë pengöne lai. Ngo nemene fe la mekuna i epun? [Nue pi troa sa.] Öni Iesu ka hape, tro sa atreine wang atrehmekune la pengöne la sinöe hnene la itre wene ne ej. [E jë la Mataio 7:17.] Tro la zonale celë amamane koi së la pengöne wene hna hamëne hnene la itre iatr ka sis. Nge kolo fe a amamane la nyine tro la atr ka lapaa majemine goeëne la itre iatr cili a kuca, matre mele pi angeic qa ngöne la hnö cili.”

Réveillez-vous! Okotropa

“Eni a pi atre la mekuna i epun: Atreine kö tro la atr ka pë ewekë a melëne hi la hnei angeice hna hetreny? [Nue pi troa sa.] Hanawange la hna qaja hnei Tusi Hmitrötr. [E jë la 1 Timoteo 6:8.] Tro la zonale celë a xatua së troa hetrenyi la aqane waiewekë ka loi göne la itre mo, me amekunë së la köni ewekë ka sisitria catr, nge hna thatreine të hnene la mani.”