Itre Aqane Nyiqaane Ithanata

Aqane Troa Tupath Troa Nyiqaane Ini Tusi Hmitrötr Memine La Itre Atr Ngöne La Pane Mecixeni Ne Mei

“Isa kö la isa aqane goeë Akötresie hnene la itre atr. Ame koi itre xan, tre ketre u hi Nyidrë. Ame koi itre xan, tre ceitui Nyidrë me Keme ka ihnim. Ngo ame koi epuni ke, ka tune kaa lae Akötresie?” Nue pi troa sa. Amamane jë lo Ita Ne Thup ne Eiperem-Juun, götrane 8, nge ce wange ju la itre mekune fene lo pane hnying, nge e ju fe la ca xötr. Liine pi hë lai lue zonal, nge sipone jë troa bëeke hmaca göi troa ithanatane pena lai hnaaluene hnying.

Ita Ne Thup Eiperem–Juun

“Eahuni a pi ithanatane me epuni la ketre ewekë ka ketr la nöjei atr asë, ene la kola meci hnene la ketre sinee së hne së hnim. Ame koi epuni ke, hetre ewekë ka akötre catre kö hune la ewekë celë? [Nue pi troa sa.] Ala nyimu la itre atr ka öhnyi keukawa qa hnine la xötr celë. [E jë la Isaia 25:8.] Kola amamane hnene la zonale celë la hna thingehnaeane hnei Tusi Hmitrötr, laka, tro ha patr la mec, nge tro ha mele hmaca la itre ka mec.” Amamane jë la tane mekune ka nyiqaane ngöne lai götrane 9.

Réveillez-vous! Mei

“Eahuni a pi porotrike memine la itre atr ka qëmeke kowe lo ketre ewekë hna hape stresse. Ame koi epuni ke, ala nyimu kö la itre atr hna ketr hnene la ewekë cili? [Nue pi troa sa.] Hetrenyi la itre xa atr ka öhne la itre eamo e hnine la Tusi Hmitrötr, nge ka xatua angatr troa cile kowe lai stresse. Hane hi la ketre ixatua. [E jë la Mataio 6:34.] Kola amamane hnene la zonale celë la itre xa trepene meköti ne la Tusi Hmitrötr, nge ka xatua së troa cile kowe la foa lao jëne stresse.”

Ithuemacany: Ma tro ha pi e la zonale celë hnene la itre atr ka huliwa biero.