Itre Aqane Nyiqane Ithanata

Aqane Troa Nyiqane Inine La Tusi Hmitrötr Memine La Itre Atr Ngöne La Pane Mecixeni Ne Febuare

“Hapeue la mekuna i epun, hetre organizasio i Akötresieti kö enehila, maine Nyidrëti pena hi a ithanata meköti kowe la itre atr, angatre isa ala cas? [Nue pi troa sa.] Hanawange la hna qaja e celë göne la ketre nöje hnei Akötresieti hna eköthe hë ekö.” Amamane jë la götrane 16 ne la zonale La Tour de Garde ne 1 Febuare, nge ce e jë me ce ithanatane la itre mekune ka eje fene la pane mekune ka tru. E jë fe la ketre xötre hna hamëne hë. Thupene lai, hamëne pi la lue zonal, nge thele jë troa bëeke hmaca matre troa sa la ketre hnying.

La Tour de Garde 1 Febuare

“Ame ngöne la itre macatre ka ase hë, tre, kolo pala hi a qeje Amagedo. Ame koi epun, hetrenyi kö la ketre ewekë nyine troa kuca hnene la atr, matre tha tro kö a traqa hnei Amagedo? [Nue pi troa sa.] Hanawange la götrane hna xome qa ngön la hnëewekë cili, ene ‘Amagedo’. [E jë la Hna Amamane 16:16. Thupene lai, amamane jë la icetröne la zonal.] Kola hamëne hnene la hna cinyihane celë la itre mekune qa hnine la Tusi Hmitrötr ka sa la itre hnyinge celë.”

Réveillez-vous! Febuare

“Ame enehila, nyimutre la itre atr ka madrine troa ce thawa la itre mekune hna jëne ëternet. Ame koi epun, hetre ethanyine kö la aqane huliwa cili? [Nue pi troa sa.] Nyimutre la itre trepene meköti qa hnine la Tusi Hmitrötr ka troa xatua së troa amë la itre ithuemacanyi ka ijij ngöne ëternet. [Xome jë la götrane 6-9, nge ce ithanatane jë la ketre hnyinge memine lai ketre xötre hna hamëne hë.] Kola troa xatua epuni hnene la hna cinyihane celë troa wangatrehmekune hnyawa la itre ethanyine la troa ithanata jëne ëternet, me hane neëne itre ej.”