“Tro Ni a Xome La Itus i Epun e Tro Epuni a Hane Xome La Itre Itus i Hun”
Celë hi lai hna qaja hnene la itre xa atr. Ngo tha ajane kö së troa isazene la itre itus i së memine la itre itus ka hamë ini ka thoi. Qa ngöne lai, nemene la aqane troa sa kowe la itre atr cili cememine la menyik? (Rom. 1:25) Ijije hi tro sa qaja ka hape: “Eni a olen, ke epuni a ajane troa hamëne la itus i epun. Ngo nemene la nyin la itre jole së, thenge la hna qaja hnene la itus? [Nue pi troa sa. Maine angeic a upi epuni troa xom la itus matre ketre e ju hë, me sipu öhne hnei epuni la hna qaja hnene la itus, amexeje jë koi angeic ka hape, qëmekene tro epuni a hamëne la itus i së, hnei epuni hna pane qaja koi angeice la alien. Ase jë hi lai, e jë maine qaja jë la aliene la Mataio 6:9, 10.] Hnei Iesu hna qaja ka hape, Baselaia i Akötresieti la ka troa aeatrëne la aja i Nyidrë kowe la fen. Celë hi kepine matre tro hmekuje hi ni a kapa la itre itus ka sajuëne la enyipiewekëne la Baselaia i Akötresie. Eni a sipone troa hane amamane koi epuni la itre xa ewekë hna troa aeatrëne hnene la Baselaia i Akötresie.