Hapeu Tha Ka Zezenyi Kö Itre Ej?

Drei la ketre hnyinge ka lolo nyine tro sa xome qëmekene troa tro fë la itre itusi së. Maine ka ificanyi la itre itusi cili, nge ka pë hë hane itre ej me ka hnyeqetr maine ka zezenyi pena, hawe tro hë lai a jelengazone la hmi së, nge tro ha wangacone hnene la itre atr la emingömingöne ne la itre itusi së, memine la maca ne iamele ka eje e hnine itre ej.

Tune ka la aqane tro sa thupëne hnyawa la itre itusi së? Nyimutre la itre trejine ka isa ami göhnene la itre itus hnine la watrenge i angatr. Drei la ketre ceitun, hna isa amë la itre itus, me itre zonale me itre boroshur, me itre tarak me itre xane kö. Matre, e thupene la hna xome la Tusi Hmitrötre memine la ketre itusi pena matre troa cainöje fë, hawe, kola isa amë hnyawa hmaca ngöne la isa göhnen; kolo hi matre tha tro kö itre eje a zezeny. Ame pena la itre xa trejin, tre, angatre a amë la itre itusi hnine la itre trengene plastik. Maine isapengöne kö la aqane nyi göhnene së la itre itus, ngo tro pala hi sa thupëne me nyihnyawane itre ej, wanga troa jelengazone la huliwa ne cainöje hnene la itre atr.—2 Kor. 6:3.