Kola Sa La Itre Hnyinge I Nyipunie

◼ Maine kola ini Tusi Hmitrötr hnene la ketre trejine föe me ketre atr ngöne la qene qëhnelö, nge ce angeice me ketre trejine trahmany, hapeu, tro kö angeic a petr?

Maine kola ini Tusi lapa hnene la ketre trejine föe memine la ketre atr, nge trejine trahmanyi la ka hane sin, loi e tro angeic a petr. (1 Kor. 11:3-10) Kola qeje pengöne koi së hnene lo Ita Ne Thup qene wiwi ne 15 Julai 2002, götrane 27, ka hape: “Ketre aqane ini Tusi pala hi lai, ke ame la atre hnying, tre atre hamë ini hi lai. Nge casi hi la itre hna amekötine göne la kola hamë ini e koho hnine la ekalesia, memine la kola hamë ini e kuhu qene qëhnelö. Maine trejine föe la ka elemekene la ini Tus, nge ce angeice me ketre trejine trahmany, loi e tro angeic a petr.” Ini Tusi jë hë e koho hnine hnalapa, maine e kuhu qene qëhnelö, maine ngöne itre xa götrane ju hë, ngo aqane amekötine hi lai.

Ngo maine tha kolo petre kö a ini Tusi Hmitrötr, nge kola amamane hnene la trejine föe koi ketre, e kuhu qene qëhnelö, la aqane ini Tusi së, maine ithanatane la itre mekune ne la itus hna tro fë, tha nyipi ewekë kö tro lai trejine föe a petr, e ce angeice me ketre trejine trahmany. Ame la ini Tusi Hmitrötr ngöne la qene qëhnelö, tre kolo easa traqa lapa troa ini Tus. Celë hi matre qanyine kö la itre ka cainöje troa waipengöne hnyawa la itre ijin, matre atrehmekune maine troa petr, maine tha nyipi ewekë kö troa petr.