Xatua Angatre Jë Troa ‘Cile Huti Ngöne La Lapaun’

Manathithi ka tru aqane icasinekeune Iehova la nöje i Nyidrë, hna sasaithe pala hi la tru hadredre fifitre thauzane lao atr ka xome la bapataiso e nöjei macatre. (Deu. 28:2) Hna majemine hnene la itre trejine laka, e traqa ha la atr kowe la bapataiso, hna hmaca hi la ini Tusi lai me angeic, nge kolo hmaca pena ha xatua itre xan. Nge ame pena ha lai hna inin, kola ajane troa cainöje atrun, haawe, tha sisedrëne hë lo ini Tus. Ngo, ame pe, ame la itre ka ini Tus, nyipi ewekë troa acatrene hnyawa la trepene i angatre ngöne la nyipici. Nyipi ewekë tro angatre a “nyi wane” thei Keriso, me ‘cile huti ngöne la lapaun.’(Kol. 2:6, 7; 2 Tim. 3:12) Qa ngöne lai, thupene la hna bapataisone la hnainin, loi e tro angeice a sisedrëne la ini Tusi angeic uti hë la fenesi hë la lue itus, Ini Tusi Hmitrötr, me “Ihnimi Akötesie.”—Wange ju la Huliwa Ne Baselaia ne Eiperem 2011, götrane 2.