Tro Fë Zonale Lapa—Ketre Jëne Troa Nyiqaane Ini Tus
1. Pine nemene matre ekö hë la organizasio i Iehova ithuecatre koi së troa tro fë zonale lapa kowe la itre atr?
1 Ala nyimu la itre atr ka tha ajane kö troa ini Tusi me easë, ngo madrine hi angatr la angatr a e la itre zonale së. Celë hi kepine matre ekö hë la organizasio i Iehova ithuecatre koi së troa tro fë zonale lapa kowe la itre atr. Hnene laka, e qea ha la hnene la itre atr hna e la itre zonale hna kapa ngöne la nöjei treu, tro hë angatre lai a ajane troa atrepengöne la aliene la Wesi Ula i Akötresie. (1 Pet. 2:2) Nge ame hë la thangane lai, tre ma tro hë la itre mekune hnei angatre hna e a upi angatr troa kapa troa hane ini Tusi Hmitrötr.
2. Nemene la nyine tro sa kuca matre tro la itre atr hne së hna lapaa tro fë zonale kow a hetre aja troa ini Tus?
2 ‘Fie’ Pi La Itre Itine La Nyipici: Epi tha tro kö sa nue ju hi la itre zonale kowe la atrekë hnalapa, ngo tro fe sa ithanata me angeic, me tupath troa imajemikeu me angeic. Tro hë lai a aijijë nyipunie troa atre la pengö i angeic, ene la itre hnei angeice hna hnehengazon, me itre ini hnei angeice hna lapaune kow, nge tro hë nyipunieti lai a atre la nyine tro nyipunieti a porotrikëne me angeic. (Ite edomë 16:23) Hnëkë hnyawa jë qëmekene troa iwai hmaca. Maine ijij, wange ju la ca mekune ka sisitria me ca xötr qa hnine la itre zonal, ke aqane tro hi së lai a fie la itre itine la nyipici ka mala e kuhu hni angeic. (1 Kor. 3:6) Mekune kö troa maakëne hnyawane la drai ne iwai, me itus hna hamën, memine la itre xötr me itre mekune hna ce ithanatan.
3. Tro së a aija tro kowe la itre atr troa wai angatre hmaca thupene la hna hamë zonale koi angatr?
3 Troa Aija Iwai? Loi e tro nyipunieti a aca tro ngöne la nöjei treu troa hamëne la itre zonale hna hnyipi kapa. Ngo e ijiji nyipunieti hi, nge maine ajane hi lai atr troa porotrik, ijije troa traqa lapa. Drei la ketre ceitun, thupene la casi maine lue wiike pena, bëeke hmaca jë me qaja ka hape, “Eni hmaca ha la troa wai nyipë (maine nyipo), ke hetre mekune ka lolo hnenge hna öhne hnine lo zonale hnenge hna hamë nyipë.” Ma tro hë lai atr a ajane troa e la tane mekune cili hnei nyipunieti hna qaja. Maine ase hë angeice e la zonal, hnyingëne jë la mekuna i angeic göne lai hnei angeice hna e, nge nango ithanatane jë me angeic. Nge maine pi tro lai atr a e la itre zonal, ijije troa bëeke hmaca koi angeic, fë la ketre tarak maine boroshür maine sine itus pena hna amekötine laka, tro sa tro fë ngöne la treu.
4. Nemene la ka troa aijijë së troa atre ka hape, ma tro hë la atr hne së hna lapaa tro fë zonale kow a aja ini Tus?
4 The tro kö sa treqene tro la atrekë hnalapa a sipone troa ini Tusi me easë. Loi e tro pe sa sipone koi angeic. Maine tha ajane kö angeic troa hane ini Tus, amamane jë koi angeice lo tane mekune hna hape, “Kola Sa Hnei Tusi Hmitrötr” hnine lo Ita Ne Thup nge wange ju ka hape, aja i angeice jë kö troa ce ithanatane me nyipunie la tane mekune cili? Ma tro hë nyipunieti lai a nyiqaane ini Tusi e kuhu qene qëhnelö. Ngo maine tha nyiqaane ini Tusi pala kö nyipunie memine lai atr, the cile kö troa tro fë zonal koi angeic.