Ketre “Ewekë Ka Loi” La Troa Ikep (Mat. 12:35a)

“Ewekë ka loi” la troa “majemine . . . hnime la ite tenyiwa.” (Rom. 12:13) Ame la ketre aqane tro la itre qatre thup a amamai tulu ngöne la götrane celë, tre ene la troa mekune la saas ne la itre ka traqa troa cile fë cainöj, me hë angatr troa hane xen. Ame itre xa ijin, tha easë kö a ikep ke easa xou wanga tha ijije ju la xen, maine pena tha majemi kö së ikep. Ngo maine tro sa mekune la ithanata i Iesu koi Maretha, tro hë së lai a elë hune la xou. (Luka 10:39-42) Öni nyidrë ka hape, ame “la götrane ka loi” ne la ikep, tre ene la troa cas me itö ithuecatr. Tha nyipi ewekë kö la hnalapa ka mingöming, maine troa kuci xen pala ju pë hë. Maine tro sa trongëne la eamo celë, tro hë së lai a hane thewe “ewekë ka loi” kowe la itre trejine me easë, thenge la aqane ini së hnene la Wesi Ula i Akötresie.—3 Ioane 5-8.