Tro Kö Sa Hë Angatr!
1. Eue la tro sa nyiqaane hëne la itre atr göne la asabele?
1 Ame la easa hëne la itre sinee troa ce xeni me easë, tre tru catre la huliwa nyine troa pane kuca, ngo tru catre fe la trenge madrine së la easa hë angatr. Ceitune hi lai memine la ketre nyikeine ka tru ngöne la götrane la u hna nyiqaane hnëkëne hë; ene la asabele ka tru ka troa xulu. Ame lai köni wiike qëmekene la nyikeine cili, kola nue së hnei Iehova troa pane hëne la itre atr, matre tro fe angatr a hane sine lai asabele. Nemene la ka troa thue madrine koi së, ngöne la easa troa hëne la itre atr?
2. Nemene la ka troa thue aja së troa hëne la itre atr?
2 Tro hë së lai a hetre aja troa hëne la itre atr, e tro sa mekune la itre thangane ka loi hne së hna troa isa kapa, qa ngöne la göxeni ne la u hnei Iehova hna hnëkëne thatraqai së ngöne lai ijine asabele. (Is. 65:13, 14) Loi e tro fe sa mekune la thangane la hne së hna hëne la itre atr e nöjei macatre. (Wange ju lo hna eköhagen hna hape, “Hetre Thangan.”) Troa traqa hnei itre xan nge tha tro pë hë a traqa hnei itre xan. Thatre kö së ka hape, drei la ka troa kapa maine thipën lai ihë, ngo atre hi së laka, tro la huliwa ne ihë a atrunyi Iehova, me amamane la etrune la ihnim i Nyidrë.—Sal. 145:3, 7; Hna ama. 22:17.
3. Troa tro fë tune kaa la itre pepa ne ihë?
3 Qan la lapa ne la itre qatre thup troa amekötine la aqane troa ihë; maine troa nue la itre pepa kowe la itre ka patre pala ha ngöne la hnalapa, maine tro fe a hane hamëne kowe la itre atr e cahu hne së hna tro. Ame e Mecixeni me Sabath, tro sa tupathe troa ce hamëne lai pepa ne ihë memine lo lue zonal. Ame hë e thupen, tro kö së lai a madrine ke hne së fe hna hane isiine troa hëne la itre atr kowe la nyikeine ngöne la götrane la u, hna hnëkëne hnei Iehova!