Ihë Jë, Ke Tro Kö a Hetre Ka Troa Xemin
Qëmekene tro sa sine la asabele, köni wiike ne tro la itre atrene la itre ekalesia a hëne la itre atr ne la itre götrane hnei angatre hna cainöje ngön. Hetre kepine matre kola acile la huliwa celë. Ame la itre atr ka kapa la ihë me traqa troa hane sin la asabele, tre angatr a hai pine la itre cainöje hnei angatre hna dreng, me goeëne laka, kola tro loi la huliwa ke nyimutre hnei itre ka sipu saene troa ixatua. Angatre fe a öhne laka, ka casi la itre Keresiano, nge lolo mina fe la thiina i angatr. (Sal. 110:3; 133:1; Is. 65:13, 14) Ngo tune kaa fe göi itre hne së hna hën, ngo nanyi catre pe la gojenyi angatr kowe lai hna asabele, hapeu, tro kö la itre atr a xemine la ihë?
Thupene lo asabele ne distrik ne lo macatre 2011, hnene la ketre hnalapa ne thewe huliwa hna kapa la ketre tus qaathene la ketre föe, ka öhne la ketre pepa ne ihë hna line e kuhu fene qëhnelö. Öni angeice ka hape, e traqa mina la Itretre Anyipici Iehova kowe la hnalapa i angeic, tre angeic mina a zae. Easa e ngöne la tus i angeice ka hape: “Hetrenyi ni la ketre hnalapa ka mingöminge catr, nge lolo catre la thiina ne la föeng, nge öninge pena kö ka hape, eje hë lai. Ngazo pe, tha nyipi madrine kö ni, ke pëkö nyipi aliene la meleng. Celë hi matre eni pë hë a xomi loto jë, me nyenyapëne la 320 lao kilomet, matre traqa pi ni troa hane sine lai asabele e mecixen.” Thatreine kö troa qeje pengöne la madrine i angeic; qa ngöne lai, angeice pë a hë fö i angeice jë ngöne telefon, matre troa thuemacanyi nyidrëti ka hape, tro hmaca kö angeic a lapa, matre tro fe angeic a hane sine la asabele e sabath. Öni angeic: “Eni pë hë a dreng asë jë la itre cainöj, me porotrike memine la Itretre Anyipici Iehova, nge öning tha ijije kö.” Ame hë la angeic a bëeke hmaca koi hnalapa, angeice pë hë a nyiqaane ini Tusi jë, nge thupene la foa lao treu, angeice fe a hane cainöj. Hnei angeice fe hna hane qaja ka hape: “Eni a madrine laka, hnenge hna traqa troa öhne lo lai pepa ne ihë ngöne la hnalapang, ke ame hë enehila, hetre nyipi aliene hë la meleng.”
Ame la itre xa ka kapa la pepa ne ihë, tre tro fe angatr a hane traqa. Qa ngöne lai, isa catre pi së hëne la itre atr. Nge maine hetre pepa ne ihë i nyipunieti pala kö, traqa fë pi kowe la nöje hna hnen la asabele, matre tro hmaca kö a hëne la itre xan e cahu hna tro.
[Hna eköhagen götran 9]
Aqane Troa Ihë
Epi the tro kö sa aqean, matre ijije tro sa hën asë la itre atrene la götrane hne së hna cainöje ngön. Haawe, tro sa qaja ka hape: “Bozu, eahuni enehila a tro koi epun matre hane hë epun. Hane hi la sine pepa i nyipë. Hane kö cahu itre xa ithuemacany.” Ange madrine jë ngöne la nyipunieti a tro fë la itre pepa ne ihë. Ame e mecixeni me sabath, maine ijij, mekune kö hamëne fe la itre zonal.