“Ces paroles devront être sur ton coeur”

Hna aceitunëne la keme me thin me itre ka thupë mamoe. Hnëqa i nyidro troa thupëne hnyawane la itre nekö i nyidro. E tha thupëne hnyawane kö nyidro, tune lo mamoe, tro nyudreni lai a nanyi trootro. Nge ame hë e cili, ame la nyudreni a ixelë me itre jol, canga tro hi nyudreni a kei. (Itre edomë. 27:23) Nemene la nyine tro la keme me thin a kuca matre troa eatrëne hnyawane la hnëqa i nyidro? Nyipiewekë tro nyidroti a ami ijine o drai troa ithanata me itre neköi nyidro. Celë hi lai ka troa aijijë nyidro troa atre la itre mekune me aliene la hni nyudren. (Ite edomë. 20:5) Ketre, tro nyidroti a acatrene la lapaune i nyudren matre atreine nyudren cile catr kowe la itre jol. (1Kor. 3:10-15) Tro la video hna hape, “Ces paroles devront être sur ton coeur”, (Tro ha ej ekuhu hni’ö la nöjei trengewekë celë) a amamane la enyipiewekëne la troa kuca la hmi ne la hnepe lapa. Ce ithanatane jë memine la hnepe lapa, me xome la itre hnyinge celë:

(1) Hnei nemene matre tha nyipiewekëne hë hnene la hnepe lapa i Roman la itre huliwa i Akötresie? (2) Pine nemene matre tha ie ju kö la kola xötrei kuca hnei Roman la hmi hnepe lapa? (3) Nemene la xötr ne la Tusi Hmitrötr ka upi angeic troa mekun la nyine kuca, göi troa inine hnyawane la itre neköi angeic? (Deu. 6:6, 7) (4) Nemene la itre ewekë hna kuca matre tha jole hë troa ifekeune hnyawa, la itre mekun hnene la itre atrene la hnepe lapa? (5) Nemene la itre nyine troa kuca hnene la keme me thin, nge ka nyipiewekë kowe la itre nekönatr? (6) Nemene la thangane ka loi hna kapa hnene la hnepe lapa i Roman qaathene la lue xa trefën? (Ite edromë. 27:17) (7) Nemene la nyine troa pane kuca hnene la kem qëmekene la hmi hnepe lapa, matre troa hetre thangan koi angatr asë? (8) Nemene la hna kuca hnei kem matre lolo hmaca pi la aqane mele i angatr? (9) Pine nemene matre nyipiewekë troa kuca lapane la hmi hnepe lapa? (Efe. 6:4) (10) Nemene la itre xa nyine troa kuca ngöne la hmi hnepe lapa? (11) Nemene la aqane hamëne mekötine kem la itre ithanata koi Marcus, me thiina ka menyike fe ngöne la nyidrëti a xatua angeic? (Iere. 17:9) (12) Nemene la aqane ce ithanatane keme me thin me Rebecca göi angeic me Justin, matre tro angeic a xomi mekune hnyawa? (Mareko 12:30; 2 Tim. 2:22) (13) Nemene la aqane mama thei nyidro la lapaun ngöne la nyidroti a saze hmaca la itre ewekë ngöne la mele i nyidro? (Mat. 6:33) (14) Nemene la hna amamane hnyawa hnene la video göi itre kem, troa xatuane la itre atrene la hnepe lapa i angatr troa easenyi catre koi Iehova? (1 Tim. 5:8) (15) Itre keme fe, nemene la nyine tro epuni a kuca?

ITHUEMACANYI KOWE LA ITRE KEM: Hna amamane la video celë lo ijine asabele ka tru lo 2011. Ame lo ijine cili, hetre hnei epuni kö hna öhn nyine troa saze göne la hmi hnepe lapa, matre troa hetre thangan? Tune kaa ha enehila? Maine epuni a öhne laka, hetre itre ewekë nyine troa amekötin, loi e tro epuni a catre thith me kuca la itre ewekë ka ijij, matre troa kepe thangane epine palua hnene la hnepe lapa i epun.—Efe. 5:15-17.