Epuni Kö a Hane Huliwane La JW Library?

Ame la JW Library, ke, ketre jiane huliwa ka aijijë së troa xome la Tusi Hmitrötr me itre xa itus, me itre video, me itre nyine dreng qa ngöne ëternet, matre troa amë hnine la telefone së me tablette, maine ordinatör pena.

AQANE TROA HETRENY LA JW LIBRARY: Fe pi la ëternet nge tro jë kowe la Play store, nge thele jë me xome la JW Library. Ijije hi troa xome ngöne itre xa applications. Ame la epuni ngöne ëternet, fe pi la JW Library nge iëne jë la ketre ewekë hnei epuni hna mekune troa télécharger. Maine pëkö ëternete i epun, maine jë troa tro kowe la Uma Ne Baselaia, maine ketre bibliothèque, maine ketre ume tri. E ase hë télécharger la itre itusi kowe la tablette maine telefone i epun, tha nyipiewekë hmaca kö troa hetre ëternet. Pine laka, hetrenyi pala hi la itre ewekë ka hnyipixe hna amë hnine la JW Library, haawe, loi e troa majemine tro kowe la jiane huliwa cili matre troa télécharger la itre itus hna xötrei amë.

ELOINE LA TROA HETRENYI LA JW LIBRARY? Ka lolo catre la JW Library ngöne la easa isa ini Tusi Hmitrötr, memine la easa huliwan ej ngöne la ijine easa icasikeu. Ka lolo mina fe kowe la hna cainöj, ke easa cainöje ngöne la nöjei ijin.