“Inieti La, Upengë Nieti Jë”

Nyipiewekë tro sa nyitipune la aja ka catr nge ka eje thei Isaia. Hnei angeic hna amamane la lapaune i angeic, me canga kapa la aja, ngacama thatre hnyawa kö angeic la itre xa ithuemacany. (Isaia 6:8) Ijiji epuni kö troa saze la aqane mele i epun, matre troa tro kowe la itre götrane ka aja ixatua? (Salamo 110:3) Nyipiewekë troa “pane lapa troa e la thupene” lai. (Luka 14:27, 28) Ngo, loi e troa hetre hni ne aja troa kuca asë la hna atrein, matre troa hane sajuëne la huliwa ne cainöj. (Mataio 8:20; Mareko 10:28-30) Tune la hna amamane ngöne la video hna hape, Déménager là où il y a besoin de renfort, thatrehmekune la itre manathithi hne së hna troa kapa qa ngöne la hna catre huliwa i Iehova.

THUPENE LA HNA ELONE LA VIDEO, SA JË LA ITRE HNYING CELË:

• Nemene la itre trengecatre hna kuca hnene la itre atrene la hnepe lapa i Williams, matre troa tro troa cainöj e Equateur?

• Nemene la itre ithuemacanyi hnei angatr hna xom, ngöne la angatr a iëne la götrane hnë tro angatr a tro kow?

• Nemene la itre manathithi hnei angatr hna kapa?

• Tro epuni a öhn e kaa la itre xa ithuemacanyi göne la troa cainöj ngöne la ketre götran ka aja ixatua?

AME NGÖNE LA EPUNI A HMI HNEPE LAPA, SA JË LA ITRE HNYING CELË:

• Tro la hnepe lapa së a akökötrene tune kaa la huliwa ne cainöj? (km 11/8 4-6)

• Maine tha ijiji së kö troa hane cainöj ngöne la ketre götrane ka aja ixatua, tune kaa la aqane tro sa xatuane la ekalesia së? (w16.03 23-25)