MELE NE KERESIANO
Aqane Tro Sa Catre Inine La Tusi Hmitrötr
Aja i epuni kö troa hane catre lapaune ngöne la itre jol, tui Daniela? Hnei Daniela hna inin ajuine la Wesi Ula i Akötresie, memine fe lo itre hna perofetan. (Dan 9:2) Ame la easa inin ajuine la Tusi Hmitrötr, ke kola xatua së troa catre lapaun. Tune kaa? Kola acatrene la lapaune së laka, tro kö a eatr la itre hna thingehnaeane hnei Iehova. (Ios. 23:14) Kolo fe a akökötrene la ihnimi së koi Akötresie, nge celë hi ka troa upi së troa kuca la loi. (Sal. 97:10) Ngo troa nyiqane tune kaa? Hane hi la itre aqane troa kuca.
Tune kaa la aqane tro ni a ini tus? Ame la ketre aqane troa ini tus, tre, troa hnëkëne la itre icasikeu. Ketre, ame la easa e Tusi Hmitrötr ngöne la wiik, loi e tro sa sine thele la itre mekune hne së hna tha trotrohnin, matre troa hetre thangane koi së. Ame itre xan, angatr a inin ajuine la itre hna perofetan hnei Tusi Hmitrötr, maine inine la itre götrane la wene la ua i Akötresie. Maine pena angatr a inine la itre nöj hna cainöje ngön hnei Paulo aposetolo, maine inine pena la itre hna xupe hnei Iehova. E hetre hnyinge së, loi e tro sa cinyihane hnyawa, matre troa nyitrepene la ini tusi së.
E kaa la hnë tro ni a öhnyi ithuemacany? Goeëne jë la video, Itre Jian Ka Xatua Së Troa Öhne La Itre Trengamo Qaathei Akötresie, göi itre xa ithuemacany. Ketre, pane thele jë la itre musi ne fen hna nyihatrene hnene la itre öni ne la tusi Daniela 7, matre troa tupathe la itre hna atre hë.
Ijetre la itre hawa nyine troa nue göi troa ini tus? Troa lolo la aqane imelekeu së me Akötresie, e hne së hna catre inine la Tusi Hmitrötr. Maine jë tro sa pane nyiqane ini tus göi hnepe ijine hi, me aqeane trootro pë hë e thupen. Ame la troa inine la Tusi Hmitrötr ke, ceitu hi memine la troa thele trengamo hna juetrën. Ame la easa öhne la ketre trengamo, kösë kola uku së troa thele la ketre! (Ed 2:3-6) Ame hë e cili, tro ha kökötre la ihnimi së kowe la Wesi Ula i Akötresie, me xatua së troa catre inine la Tusi Hmitrötr ngöne la mele së.—1Pe 2:2.
NEMENE LA HNA NYIHATRENE HNENE LA ITRE ÖNI NE LA TUSI DANIELA MEKENE 7?
KETRE HNYING:
Nemene la aqane eatr la hna qaja ngöne Daniela 7:8, 24?
KETRE NYINE THEL:
Nemene la hna nyihatrene hnene la itre öni ngöne la tusi Hna Amamane mekene 13?