Thupëne Ju La Aqane Ithanata Ngöne Ëternet

ENYIPIEWEKËN: Ceitune hi la troa ithanata ngöne Ëternet me itre xa jia ne huliwa. Hetre eloin, ngo hetre ethanyine mina fe. Hetrenyi la itre xa trejin ka xele ma ithanata ngöne Ëternet. Nge, ame pena itre xan, angatr a nyi jëne la Ëternet matre troa ithanata memine la hnepe lapa i angatr me itre sinee i angatr. Ngo, Diabolo a ajane tro sa huliwane menune la Ëternet, matre troa adrone la ëje së me thë la aqane imelekeu së me Iehova. Loi e tro sa nyitipu Iesu, me trongëne la itre trepene meköt ne la Tusi Hmitrötr matre troa atrehmekune la itre hnö me neëne itre ej.—Lu 4:4, 8, 12.

ITRE HNÖ NYINE NEËN:

• Kola aluzi traem. E tro sa nue traem atrun troa ithanata ngöne Ëternet, easë hi lai a aluzine la traeme së thatraqane la huliwa i Iehova.

  Trepene meköt ne la Tusi Hmitrötr: Ef 5:15, 16; Fi 1:10

• Kola goeë iatr ka ngazo. E tro sa goeë iatr ka sis, tro ha kökötr the së la ajan troa goeëne lapan maine kuci ngazo. Nge, e tro sa e la itre hna cinyihane hnene la itre ka iamenumenu, tro ha ananazijëne la lapaune së.

  Trepene meköt ne la Tusi Hmitrötr: Ma 5:28; Fi 4:8

• Kola amë menun la itre foto me itre ithanata. Pine laka ka iaö la hni ne la atr, canga tro hi angeic a qeje mekun, maine ami foto menu ngöne Ëternet. Tro lai a adrone la ëje i angeic, me ananazijën la lapaune i angeic.

  Trepene meköt ne la Tusi Hmitrötr: Ro 14:13; Ef 4:29

GOEËNE JË LA VIDEO HNA HAPE, HULIWANE HNYAWANE JË LA ËTERNET, NGE QAJA JË LA AQANE TROA NEËNE LA ITRE JOLE CELË: