MELE NE KERESINO
Drei La Itre Sinee i Epun Ngöne Ëternet?
Easa nyisineene la atr hne së hna hnim me metrötrën. Thupene la Davita a humuthi Goliatha, hnei Ionathana hna nyiqane hnimi Davita utihë la kola catrecatr la imelekeu i nyidro. (1Sa 18:1) Hnei nyidro hna isa amamane la itre thiina i nyidro, nge celë hi ka acatrene la ihnimi nyidro. Troa catr la imelekeu së memine la sinee së, e ka iatre hnyawa hi së. Celë hi matre, loi e tro sa xomi ijin troa iatre hnyawa. Ngo ame ngöne la itre réseaux sociaux, ka nyimenyime hi troa nyisineene la ketre atr. Ame ngöne Ëternet, canga tro hi la itre atr a juetrën la nyipi pengöi angatr. Loi e tro sa thupëne hnyawan la aqane iëne së la itre sinee së. Tha tro kö sa cil troa “supprimer” la ketre “demande d’ami” ne la ketre atr hne së hna thatre. Ame la itre xan, tha angatre kö a tro kowe la itre réseaux sociaux wanga kei pi angatr koi ngazo. Ngo, maine eö a pi tro kowe la itre réseaux sociaux ke, nemene la nyine tro eö a hmekën?
GOEËNE JË LA VIDEO HNA HAPE, THUPËNE KÖ LA AQANE HULIWANE LA ITRE RÉSEAUX SOCIAUX!, NGE SA JË CAHU ITRE HNYING:
Nemene la nyine troa pane mekun qëmekene troa ami foto maine ami commentaire ngöne la ketre réseau social?
Pine nemene matre nyipiewekë tro sa hmek la easa iën la itre sinee së ngöne Ëternet?
Hnauëne laka, loi e tro sa sa hawan la easa tro kowe la ketre réseau social?—Ef 5:15, 16