Aqane Troa Maca Ngöne La Hna Cainöj​—Xatuane Jë La Itre Ka Ajan

ENYIPIEWEKËN: Iehova la ka aciane la itre itine nyipici e kuhu hni ne la itre ka ajan “la mel ka tha ase palua kö.” (Hu 13:48; 1Ko 3:7) Easa ce huliwa me Nyidrë ngöne la easa catre xatuane la itre ka trongëne la itre hnei angatr hna inin. (1Ko 9:26) Nyipiewekë tro la itre ka ini Tusi a trotrohnine laka, ka sisitria la bapataiso, ke, jëne mele i angatre hi lai. (1Pe 3:21) Easa xatua angatr, ngöne la easa ini angatr troa saze la aqane mele i angatr, me aqane troa cainöj me inine la itre xan, me nue la mele i angatr koi Iehova.—Ma 28:19, 20.

AQANE TROA KUCA:

• Amekunëne jë la itre ka ini Tusi me epun ka hape, angatr a ini Tus matre troa atrepengöi Iehova, me amadrinë Nyidrë. —Ine 17:3

• Xatua angatre jë troa kökötre ngöne la nyipici, me elë hune la itre jol, tune la itre hna majemine kuca ka ngazo, me itre sine ce tro ka ngazo

• Thuecatrenyi angatre jë qëmekene me e thupen la hna xomi bapataiso.—Hu 14:22

GOEËNE JË LA VIDEO HNA HAPE, TRO KÖ IEHOVA A XATUA EPUN. THUPENE LAI, SA JË CAHU ITRE HNYING:

• Nemene la itre hna xouene hnene la itre atr, nge ka troa hnöthi angatr troa sa xepu me xomi bapataiso?

• Nemene la aqane tro la itre qatre thup a xatuane la itre ka ini Tus troa kökötr ngöne la nyipici?

• Nemene la ini hne së hna xome ngöne Isaia 41:10 göi Iehova?

• Nemene la itre thiina ka lolo ka troa xatua së troa nyihlue i Iehova hnyawa, ngacama itre atr ka tha pexeje kö së?