MELE NE KERESIANO

Nyipiewekë Troa Cainöj Matre Ini Tus Memine La Itre Atr

Hnei Iesu hna upe la itretre drei nyidrë troa inine la nöjei atr. (Mat. 28:19) Kolo lai a hape, troa cainöj me ini angatr. Haawe, nyipiewekë tro sa isa hnying ka hape, ‘Nemene la aqane tro ni a maca ngöne la lue götrane cili ka sisitria ne la huliwa ne cainöj?’

TROA CAINÖJ

Tha tro kö sa treqene troa traqa koi së hnene la itre atr. Loi e tro pe sa catre thel la itre atr ka “loi thiina.” (Mat. 10:11) Hapeu la easa cainöje trootro, easë kö a thel troa ithanata memine la nöjei atr hne së “hna iöhnyi” memin? (Ite hu. 17:17) Hnene laka, hnei Paulo aposetolo hna catre cainöj, matre hane jë Lidia ketre atre drei Iesu.—Ite hu. 16:13-15.

Samuela a tro fë la ketre zonal koi Ezekiela; Solomona me Maria a cainöj koi Ezekiela me Abigaila — “E hmakanyi traneju la ite feja i ’ö, nge e heji the shawa kö la iwanakoime i ’ö” (Ate cai. 11:6)

GOEËNE JË LA VIDEO HNA HAPE, “THE MANO KÖ” CAINÖJ E CAHU GOJENYI ME NGÖNE LA ITRE HNALAPA TROOTRO. THUPENE LAI, SA JË CAHU ITRE HNYING:

Nemene la aqane amamane Samuel ngöne la mele i angeic laka, ajane catr angeice troa traane la itre itine nyipici?
Pine nemene matre nyipiewekë tro palahi sa catre xome la nöjei götranene la huliwa ne cainöj?
Drei la itre atr hnei epuni hna troa ithanata memin, ngöne la epuni a cainöj?

TROA HAMË INI

Maine aja së troa inine la itre atr, tha tro kö sa hamë itusi hi koi angatr. Nyipiewekë tro sa iwai hmaca, me thel troa ini Tusi Hmitrötr me angatr, matre acatrene la lapaune i angatr. (1 Kor. 3:6-9) Ngo tune kaa e pëkö thangan la itre trengecatre hne së hna kuca, matre troa inine la nyipici koi ketre atr? (Mat. 13:19-22) Loi e tro sa catre thel la itre atr ka hetre hni ka ceitu memine la “hnadro ka loi.”—Mat. 13:23; Ite hu. 13:48.

Solomona me Maria a inine la Tusi Hmitrötr me Ezekiela me Abigaila; Ezekiela me Abigaila a cainöj ngöne la gaa tru atr — “Hnenge hna tran, hnei Apolo hna fi; ngo hnei Akötesieti hna acian” (1 Kor. 3:6)

GOEËNE JË LA VIDEO HNA HAPE, “THE MANO KÖ” CAINÖJ NGÖNE LA GAA TRU ATR ME INI TUSI ME ANGATR. THUPENE LAI, SA JË CAHU ITRE HNYING:

Nemene la aqane fie Salomon me Mary, la itre itine nyipici e kuhu hni Ezekiel me Abigail?
Nemene la aja së, ngöne la easa xome la ketre igötranene la huliwa ne cainöj, tune la troa cainöj ngöne la gaa tru atr?
Tro sa wangatrune tune kaa la huliwa ne ini tus me itre xan?