Troa Ce Tro Lapa Memine La Itre Ka Hnimi Iehova

Pine nemene matre loi e tro sa ce tro lapa memine la itre ka hnimi Iehova? Pine laka, ame la itre atr hne së hna ce tro memin, tre, itre ka troa uku së troa kuca la itre huliwa ka loi maine ka ngazo. (Ite edomë 13:20) Ame lo ijine mele pala kö Iehoiada atre huuj, hnei Ioasa joxu hna “kuca la meköti xajawa i Iehova.” (2 A. l. ite jo. 24:2) Thupene la kola meci hnei Iehoiada, hnei Ioasa hna nuetriji Iehova, ke, hnei angeic hna ce tro memine la itre sinatro ka ngazo.—2 A. l. ite jo. 24:17-19.

Ame ngöne lo ijine ne la itre pane keresiano, hnei Paulo aposetolo hna aceitunëne la ekalesia memine la ketre “uma atraqatr.” Nge, hnei angeic hna aceitunëne la itre atrene ej memine la itre “trengen,” maine itre ewekë nyine kuci xen. Maine tro sa iananyi memine la itre fami së, maine ketre atrene la ekalesia ka kuca la ngazo, tro hë sa ceitu memine la itre trengene ‘hna xome thatraqane la huliwa ka loi.’ (2 Tim. 2:20, 21) Celë hi matre, loi e tro sa nyisineene la itre ka hnimi Iehova, nge ka xatua së troa nyihlue i Nyidrë.

GOEËNE JË LA VIDEO TROA IANANYI MEMINE LA ITRE SINATRO KA NGAZO, NGE SA JË CAHU ITRE HNYING:

• Nemene la itre aqane tro sa hetre sinatro ka ngazo?

• Ame ngöne la video, nemene la ka xatuane la köni trejin troa iananyi memine la itre sinatro ka ngazo?

• Nemene la itre trepene meköt ne la Tusi Hmitrötr ka troa xatua së troa iëne hnyawane la itre sinee së?