Epuni Kö a Wangatrune La Trengewekë i Akötresie?

Tusi Hmitrötr a qatrenge la itre mekun me itre ithanata i Iehova Akötresie, Atrekë ewekëne la itusi cili. (2 Pet. 1:20, 21) Ej a amamane la edraiëne la musi Akötresie, jëne la Baselaia. Tusi Hmitrötr a hamë mejiune kowe la itre atr laka, hetre mele ka loi elany. Ketre, ej a amamane la itre thiina ka lolo ne la Keme së e hnengödrai, ene Iehova.—Sal. 86:15.

Nyimu kepin matre easa wangatrune la Trengewekë i Iehova. Ngo hapeu, easë kö a amamane ka hape, ahnahna ka sisitria? Easë kö a e la Trengewekë i Nyidrë o drai, me trongëne ngöne la mele së? Epi tro la aqane ujë së a amamane laka, easa jelenyipicine la trengewekë ne la atre cinyihane la Salamo, kola hape: “Atraqate la ajange kowe la wathebo i cilie.”—Sal. 119:97.

GOEËNE JË LA VIDEO ANGATR A WANGATRUNE LA TUSI HMITRÖTR—EXTRAIT (WILLIAM TYNDALE), NGE SA JË CAHU ITRE HNYING:

• 

  Pine nemene matre hnei William Tyndale hna ujëne la itre xaa götrane la Tusi Hmitrötr?

• Pine nemene matre nyine haine la trengecatre hnei nyidrëti hna nue troa ujëne la Tusi Hmitrötr?

• Nemene la aqane haöthe la nöje Agele hnene la itre Tusi Hmitrötre i Tyndale?

• Nemene la aqane tro së isa ala cas a wangatrune la Trengewekë i Akötresie?