Hanawange Hë La Sit Ëternet Së, Nyine Loi Koi Së Me Itre Atr

Hnei Iesu hna upi së troa cainöjëne la maca ka loi ne la Baselaia “e cailo fene nyine anyipicine kowe la nöjei nöj.” (Mat. 24:14) Celë hi matre, ame ekö, tre köni sit Ëternete së, ene watchtower.org, me jw-media.org, me jw.org, ngo ase hë nango saze me ce amë ngöne la ca site hi, ene jw.org Web site.—2 Tim. 4:5.

Tro Ha Cainöj “e Cailo Fen”: Ala nyimu catre la itre atr e cailo fene me itre thöth ka huliwane la Ëternet. Celë hi jia ne huliwa hnei angatre hna huliwan atrun, nyine troa kepe ithuemacany. Ame la itre ka tro kowe la sit Ëternet së, tre angatr a hane öhne la aqane sa së la itre hnyinge i angatr jëne Tusi Hmitrötr. Angatre fe a hane öhne e cili la kola qeje pengöne la organizasio i Iehova, me aijijë angatre troa sipone troa hane ini Tusi Hmitrötr me angatre ngöne la hnalapa i angatr. Celë hi ketre jia ne huliwa ka ixatua matre tro fe la itre atr ka tha majemine kö öhnyi itre ka tro fë la maca ka loi, troa hane atrepengöne lai maca hne së hna tro fë.

Troa Cainöj “Kowe La Nöjei Nöj”: Nyipi ewekë troa ithanatane la itre ini qa hnine la Tusi Hmitrötr ngöne la qene hlapa la itre atr, matre eatre lo hna amekötine koi së troa kuca, ene la troa cainöje “kowe la nöjei nöj.” Celë hi matre, hna ujëne la sit jw.org ngöne la 400 lao qene hlapa.

Huliwane Hnyawane Jë: Tha hna saze kö lai sit jw.org koi itre ka tha ce hmi kö me easë hmekuj, ngo koi së mina fe, Itretre Anyipici Iehova. Maine ijiji nyipunieti fe troa huliwane la Ëternet, majemi jë huliwane la sit jw.org. Itre xa aqane tro së lai a kuca matre troa huliwane lai sit.

[Foto ne la götran 3]

(Wange ju la itus)

Hane Ju Tupathe La

1 Lepe jë ngöne la ordinatöre i nyipunie la www.jw.org ngöne la göhnë hna hnëkëne kö thatraqane lai.

2 Hane ju goeëne la itre ithuemacany ka troa mama koi nyipunie, e troa huje e cili hmekune la itre tane ka tru, me ngöne lo hna hape, menu, me liens.

3 Tupathe jë troa tro kowe la sit jw.org, jëne mobilis maine jëne lo hna hape tablet, me itre xane ju kö. Maine jë co pë hë la etrune la iatr ka troa mama ngöne la mobilis, ngo casi hi la ithuemacany hna kapa ngöne la mobilis i nyipunie memine la ithuemacany ka mama ngöne ordinatör.