Huliwane Jë La Sit Ëternete Së—“Questions Bibliques”

Ame ngöne la sit jw.org qene Wiwi, ca götrane hna ati ëjen ka hape, “Questions Bibliques,” fene lo “La Bible et vous.” Maine tro së a lapaa e la itre mekune e cili, tro hë së lai a pi up la itre atr troa wange la site së. Ijije fe troa hnyingëne kowe la itre atr la itre hnyinge ka mama ngöne lai sit. Troa iëne lo itre mekun hna pi porotrikëne hnene la itre atrene la nöje së, me hnyingëne la mekuna i angatr, me amamane la hna qaja hnei Tusi Hmitrötr, tune la aqane kuca ngöne jw.org. Easë pë hë a qaja jë, maine amamane pena koi angatr la göhnene la itre mekune cili. Maine pena, easë pë hë a amamane mekötine pi ngöne la sit la itre mekun ka sa la hnyinge i angatr. Ame la föene la ketre atre thupë sirkoskripsio, tre angeice hi a pane qaja ka hape: “Tru catre la itre atr ka hnying ka hape, ‘Zö i Akötresieti jë kö la easa akötr?’ Ca hnenge hna pi amamane koi epun, tha tro ju kö a ca menetr.” Angeice pë hë a ahone jë la tablette i angeic, matre tro lai atr a dreng la itre mekune ka sa lai hnying. Thupene jë hi lai, angeic a fe pi lo itus Ini Tusi Hmitrötr, mekene 11.