Huliwane Jë La Sit Ëternete Së Ngöne La Huliwa Ne Cainöj
Amamane Jë Kowe La Itre Atr La Sit Ëternete Së: Ame la itre xa atr, tre nango xou i angatr troa ithanata Tusi me easë, maine kapa pena la itre sine tusi hne së hna tro fë; ngo ame pe, e angatr e koilo hnalapa, angatr a thele troa hane atrepengöne la Itretre Anyipici Iehova, jëne la sit jw.org. Qa ngöne lai, qaja jë koi angatre ka hape, hetre sit Ëternete së fe.
Sa Jë La Itre Hnyinge i Angatr: Ame ngöne la itre xa ijin, tre tro la itre atr hne së hna cainöje kow, maine ketre atre hi hne së hna atre a hnyingë pengöne la itre ini hna lapaune kow hnene la Itretre Anyipici Iehova. Haawe, the cile kö së troa huliwane la mobilisi së maine ordinatöre pena göi troa sa la itre hnyinge i angeic. Ngo ame göi itre mekene tus, tre ka loi kö la troa fe Tusi Hmitrötr, me e kowe lai atr la mekene tus. Maine pëkö mobilis maine ordinatör thei nyipunie ngöne la nyipunieti a ithanata memine lai atr, qaja jë koi angeice la nyine troa kuca matre tro pë hë angeic a ketre sipu thele la itre mekune ka troa sa la hnyinge i angeic, ngöne la sit jw.org.—Troa pane tro ngöne lo hna hape, “La Bible et vous,” nge e cili, troa huje lo hna hape, “Questions bibliques;” maine pena troa huje lo hna hape, “Qui sommes-nous?,” nge thupene jë hi lai, troa huje lo hna hape, “Questions fréquentes.”
Iupi Fë Tane Mekune Jë, Maine Itusi Pena Kowe La Itre Hnei Nyipunieti Hna Atre: Maine nyipunieti a cinyanyi tusi jëne Ëternet, ijije hi troa ce iupi fë lai tusi memine la ketre zonal, maine ketre itusi pena, jëne lo lue porogarame hna hëne ka hape, PDF maine EPUB. Ketre, ijije tro sa xome qa ngöne lai sit la itre nyine troa dreng, me sipu amë ngöne CD. Maine hetre itre atr ka tha bapataiso kö hnei nyipunieti hna hamë itusi ka pexej kow maine boroshür, maine zonale pena nyine dreng, maine nyine e jëne ordinatör, maine mobilis pena, tre, mekune kö troa hane fejane la etrun ngöne la rapor ne cainöje i nyipunie. Maine hetre hnei nyipunieti hna ce iupi fë memine la tusi nyipunie jëne Ëternet, tha tro kö a juetrëne ka hape, nyipunieti la ka iupi fë, nge tha tro kö a aca tro iupi fë koi ala nyim. Nge tha tro kö a iupi fë la itre ewekë cili koi ketre sit pena.—Troa huje e cili lo hna hape, “Publications.”
Hane Ju Amamane La Itre Hna Hnyipi Kuca Thene La Itretre Anyipici Iehova: Celë hi lai ka troa xatuane la itre ka ini Tusi memine la itre hne së hna porotrikë Tusi memin, troa öhne la etrune la huliwa hne së hna kuca e cailo, memine la aqane casi së. (Sal. 133:1)—Huje ju e cili lo hna hape “Actualités.”
[Foto ne la götran 5]
(Wange ju la itus)
Hane Ju Tupathe La
1 Ame e cili fene lo hna hape “Publications,” hetrenyi la nöjei pengöne nyine tro sa xom; isa iëne jë la hna ajan, nge huje ju e cili ngöne porogarame ka troa aijijë nyipunieti troa e (huje ju lai hna hape, EPUB maine PDF pena), maine troa drenge pena (troa huje lai hna hape, MP3 maine AAC pena) la itusi hnei nyipunieti hna iën.
2 Huje ju e cili ngöne lai hna hape MP3, matre mama pi la itre tane mekune ne lai itusi hnei nyipunieti hna iën. Maine nyipunieti a ajane troa drenge la kola e la ca tane mekun, huje ju la hatrene celë ▸ ; maine pena, xome jë qa ngöne Ëternet, matre tro pena a amë ngöne mobilis, maine CD, maine ikaho pena.
3 Maine nyipunieti a ajane troa xome kowe la ordinatöre maine ketre ewekë i nyipunieti pena la ketre itus, maine zonale hnei nyipunieti hna iëne ngöne la ketre qene hlapa, iëne jë e celë la qene hlapa hnei nyipunieti hna ajan.