Nemene La Ini Hna Xome Qa Ngöne La Itre Nyima Ne Broadcasting?

Nemene la itre nyima ne broadcasting hnei epun hna drenge lapan? Pine nemen? Ame koi epuni kolo kö a amamane la itre ewekë hna melëne e nöjei drai? Thatraqai së asë ke, nyimutre la itre pengöne miuzik me aqane elo. Ngo, tha nyine iamadrinë hmekuje kö itre ej, memine lo itre video ne miuzik.

Kola hamë së la itre ini ka lolo kowe la mele së, itre Keresiano, me kowe la huliwa ne cainöj. Itre xaa nyima a amamane la aqane troa ikep, me caas, me troa hetre nyipi sinee, me catr, me ihnim, me lapaun. Nge itre xane a qaja la aqane troa bëeke hmaca koi Iehova, troa nue la ngazo, troa mele nyipici, me itre xaa aqane troa nyihlue i Iehova. Hetre nyima fe ka qaja la aqane troa huliwane hnyawane la itre mobilis. Nemene la itre xaa ini hnei epun hna xome qa ngöne la itre nyima ne broadcasting?

GOEËNE JË LA VIDEO NYIMA NE BROADCASTING JUSTE À NOTRE PORTE, THUPENE LAI, SA JË CAHU ITRE HNYING:

• Nemene manathith hna lapa mekune hnene la lue trefëne qatr? —Gen. 12:3

• Nemene la aqane troa acatrene la lapaune së kowe la atreine Iehova troa eatrëne la itre hnei Nyidrëti hna thingehnaean?

• Nemene la itre ewekë ka mingöming hne së hna lapa treqen?

• Nemene la aqane tro la mejiune së kowe la Baselaia a xatua së troa xomihnine la itre akötr enehila?—Rom. 8:25