Nyine Lapa Mekun
Inine Gufane Jë La Itre “Nyima Ne Hmi”
“Ame ngöne la itre ijine eni a hleuhleu, ke Iehova a ithuecatre koi ni jëne la itre nyima ngöne JW Télédiffusion.”—Lorraine, Etazini
Hnene palahi la itre keresiano hna thinge la itre “nyima ne hmi” matre atrunyi Akötresie. (Kol. 3:16) Maine patre kö la itus ne nyima i epun maine tablet, ngo e hnei epun hna inine gufane la itre nyima, ke tro itre eje lai a xatua epun. Hane hi la ka troa xatua epun matre tha tro kö a thëthëhmine la itre nyima.
E hnyawane jë la itre trengewekë matre trotrohnine la alien. Tha tro kö sa thëthëhmine la ketre ewekë, e trotrohnine hnyawa hi së la alien. Ame la itre hnaewekë ne la itre nyima i easë, me itre nyima ka hnyipixe me nyima i hanekönatr, ke mama hi itre ej ngöne jw.org. Tro epuni lai a öhne ngöne la götrane hna hape, “Itre Itus” nge huje ju lo hna hape, “Nyima.”
Sija ju hnei wanakoim la itre trengewekë. Tro lai a xatua epun matre tha tro kö a canga thëthëhmin itre ej.—Deu. 17:18.
Nyimane catrëne jë itre ej. Anyimua e jë maine thinge la itre nyima.
Wange ju ka hape, tha thëthëhmine kö epun. Tupathe jë troa thinge la itre nyima, nge tha tro kö la goeëne la pepa, matre wange ka hape, tha thëthëhmine kö epun itre ej.