Nemene La Aqane Troa Huliwan La Itre Tulu Ne Aqane Nyiqane Ithanata

Qane lo Januare 2018, kola mama ngöne la icetröne la Mel Me Huliwa Ne Cainöj Ne La Keresiano—Pepa Nyine Huliwan la itre tulu ne aqane nyiqane ithanata. Troa huliwane tune ka itre ej?

Ngöne La Epuni a Kuci Sujet: Huliwane jë la hnyinge me xötr me mekun, ka mama ngöne la itre tulu ne aqane nyiqane ithanata. Ngo, tha kolo kö lai a hape, troa e gufane la hna qaja ngöne la video. Ijiji epun troa saze la götrane hnë cainöj me aqane nyiqane ithanata me aqane trongene la porotrike i epun. Ijiji epun fe troa iëne la ketre zonal qa ngöne la Jia Ne Cainöj, ngacama tha hna qaja kö ngöne la itre hna amekötin.

Ngöne La Epuni a Cainöj: Ixatua koi epun la itre tulu ne aqane nyiqane ithanata. Maine tro la ketre atr a pi atre la nyipici, ijiji epun troa sisedrëne la porotrik me xome la itre tulu ne aqane nyiqane ithanata göi iwai hmaca. Ijiji epun troa saze la itre tulu ne aqane nyiqane ithanata thenge la aja ne la atr maine saze asë pena. Hapeu, ka hetre thangane kö la itre tulu ne aqane nyiqane ithanata ne la treu ka ase hë, ngöne la teritoare i epun? Hna ketre kö la itre atr ne la teritoare i epun hnene la ketre ewekë ka traqa maine ketre nuvel pena? Tha ka nyipiewekë kö la aqane huliwane së la itre tulu ne aqane nyiqane ithanata. Ame la aja së, ke, ene la troa “kuca asë la nöjei ewekë cili pine la maca ka loi göi troa ce thawa me itre xan.”—1Ko 9:22, 23.