Nemene La Aqane Troa Huliwan La Itre Tulu Ne Aqane Nyiqane Ithanata?

Hna hnëkëne hnyawane la itre tulu ne aqane nyiqane ithanata, nge itre trejin a öhnyi thangane ka loi ngöne la teritoare i angatr. Pine laka, isapengöne kö la itre atr, ijiji hi troa iëne hnene la ketre trejin ka cainöj la ketre hnying me xötr me mekun ka tha ceitu kö memine la tulu ne aqane nyiqane ithanata. Ketre, ijiji angeic fe troa iëne la ketre mekun hna pi ithanatane hnene la itre atr ne la teritoare i angeic. Ngo, ame göne la huliwa ne ihë, loi e tro sa xötrethenge la itre hna amekötin ngöne la pepa nyine huliwan. Hnëqa së troa eatrëne la huliwa hna ahnithe koi së hnei Iesu, ene la troa cainöjëne la maca ka loi ne la Baselaia.—Ma 24:14.

Ngo ame la kola cile fë hnëqa hnene la ketre trejin, loi e tro angeic a ithanatane la tane ka ej ngöne la itre tulu ne aqane nyiqane ithanata ne la Pepa Nyine Huliwan. Maine pëkö hna amekötin göne la hnëqa cili, ijiji angeic troa iëne la ketre hnying, me xötr, me mekun hna pi ithanatane hnene la itre atr. Ijiji angeice fe troa iëne la hnë hnei angeic hna troa iöhnyi memine la atr. Tha nyipiewekë hmaca kö troa xötrethenge la hna amekötin ngöne lo pepa nyine huliwan ne la treu Juun 2020 götrane 8.