Huliwa Ka Tru e Nofeba: Troa Qaja Atrune La Baselaia i Akötresie

Hnei Iesu hna cainöjëne “la itre maca ka lolo ne la Baselaia i Akötresie.” (Lu 4:43) Hnei nyidrëti fe hna inine kowe la itre atr troa thithi sane la Baselaia. (Ma 6:9, 10) E Nofeba, tro fe sa isine troa qaja atrune la Baselaia i Akötresie. (Ma 24:14) Thele jë troa sine la huliwa ka tru cili. Ngöne la treu celë, ijiji epuni hi troa xome la huliwa ne pionie ka ixatua, koi 30 maine 50 lao hawa.

Isine jë troa amamane la ketre xötr ka qaja la Baselaia i Akötresie kowe la nöjei atr hnei epun hna troa ixelë memin. Iëne jë la itre xötr thenge la hmi ne la atr. Maine ketre a pi atre la itre xa ithuemacany, hamëne jë koi angeic la Ita Ne Thup thatraqai nöjei atr, Na. 2 2020. Thupene lai, canga iwai hmaca jë, nge isine jë troa ini Tus jëne la ketre itus ngöne la Jia Ne Cainöj. Easenyi hë matre traqa pi la Baselaia i Akötresie, nge tro ej a lepe apatrene la itre xa mus. (Da 2:44; 1Ko 15:24, 25) Haawe, catre pi së nyipiewekëne la ijine cili, matre tro sa amamane la aqane mele nyipici së koi Iehova, memine la Baselaia i Nyidrë!