Huliwa Ka Tru e Semitrepa: Troa Cainöjëne La Baselaia i Akötresie!

Ame ngöne la treu Semitrepa, tro sa isine troa amamane kowe la itre atr ka hape, Baselaia i Akötresie hmekuje hi la ka troa nyinyine la itre jol ne la fen. (Ma 24:14) Nemene la nyine tro epuni a kuca ngöne la treu cili? Isine jë troa amamane la ketre xötr ka qeje Baselaia kowe la itre atr hnei epuni hna iöhnyi memin. Maine hetre atr ka pi atre la pengöne la Baselaia, hamëne pi koi angeic la Ita Ne Thup Na. 2 2020. Thupene lai, thele jë troa wange hmaca lai atr, me nyiqane ini Tus memine la boroshür Gojenyi Kowe La Nyipi Mel!. Matre ame ngöne la treu Semitrepa, ijije hi tro la itre trejine ka xome la huliwa ne pionie ka ixatua a iëne troa cainöj koi 15 maine 30 lao hawa.

Easenyi hë tro la Baselaia i Akötresie a lepe apatrene la itre mus ka icilekeu. (Da 2:44; 1Ko 15:24, 25) Ijine hi lai, tro sa isigöli Iehova memine la Baselaia i Nyidrë!