Huliwa Ka Tru e Semitrepa: Troa Nyiqane Ini Tus

Ame ngöne la treu Semitrepa, thele jë së troa nyiqane ini Tus ngöne la kola xötrei iöhnyi jëne la itus Gojenyi Kowe La Nyipi Mel! Ijije hi troa xome la huliwa ne pionie ka ixatua koi 30 lao hawa. Nemene la aqane trongene la huliwa cili?

• Ngöne La Kola Xötrei Iöhny: Thue aja jë kowe la atr jëne la götrane tixenuë ne la boroshür, nge thele jë troa nyiqane ini Tus me angeic. Nyiqane ini Tusi jë memine la itre atr hne së hna majemine cainöje kow ekö. Ngacama xele angatr ekö ma ini Tus, ngo jëne la aqane eköthe la boroshür ka hnyipixe, maine jë tro hë angatr a kapa. Tha tro kö sa iupi fë la boroshür celë kowe la itre atr ka patr, maine pena kowe la itre atr ka xele ma kapa la maca. Tro pë hë la Komite Göi Huliwa ne la ekalesia a acile la itre xaa drai ne cainöj ngöne la treucili.

• Itre Xaa Nyine Troa Kuca: Maine ekalesia i epun a tro fë présentoir ke, ijije hi troa amë e kuhu hnine la boroshür Gojenyi Kowe La Nyipi Mel! Qaja jë kowe la atr ka xome la boroshür ka hape, ijije hi tro angeic a ini Tusi memine la ketre e easë. Ijije hi tro epun a nyiqane ini Tus me angeic qëmekene la présentoir, maine troa isapui me angeic matre ini Tus e ketre ijin. Tro la atre thupëne la huliwa ne cainöj a upe la itre trejin ka macaj kowe la itre magasin maine biero matre troa nyiqane ini Tus memine la itre atr ka huliwa. The cile kö troa nyiqane ini Tus memine la itre sine huliwa i epun maine itre atr hnei epuni hna iöhnyi memin.

Hnëqa së qaathei Iesu troa cainöj me “inine” la itre atr. (Ma 28:19, 20) Maine tro sa huliwane hnyawan la boroshür Gojenyi Kowe La Nyipi Mel! ngöne la treu Semitrepa, tro hë sa eatrëne la hnëqa së.