Ketre Ijine Ka Ketre Pengön Göi Tro Fë Boroshür Ka Hnyipixe
1 Nyimutre la itre atr enehila ka hnehengazo pine la itre jol ka eje ngöne la fen, ngo ala xalaithe hi la itre ka trotrohnine la kepin matre kola traqa tune lai, memine la itre ewekë ka troa traqa elany, memine la hnei angatr hna troa kuca matre troa mele elany ngöne la kola iameköti. (Ezek. 9:4) Celë hi matre kola troa hnëkëne la ketre ijine ka ketre pengön matre troa tro fë la boroshür ka hnyipixe hna hape “ Veillez ! ” (Lapa Hmeke Jë!) Kola troa kuca la huliwa cili qaan e thupenehmi 18 Okotropa uti hë e 14 Nofeba drai sabath.
2 Troa cainöje fë la boroshür ngöne la itre hnalapa trootro, me ngöne la nöjei ijin, me ngöne la itre ijine iwai hmaca, maine kowe la ka ala nyim. Ngo thaa tro kö iwangatrehmekunyi atr ngöne la kola tro fë lai boroshür “ Veillez ! ” (Lapa Hmeke Jë!) Eje hi lai laka troa hamën la itre boroshür kowe la itre atr ka amamane la aja i angatr kowe la hna qaja hnei Tusi Hmitrötr göne la itre ewekë ka traqa e cailo fen. Tro pë hë a hamën la ketre tarak kowe la itre atr ka thaa kapa hnyawa kö la maca.
3 Maine jë troa ahlën la aja ne la ketre atr tune la:
◼ “Nyimutre la itre atr ka hnehengazo pine la itre jol ka tru enehila, nge kola ketri angatr hnene la itre ewekë ka traqa. [Qaja jë la ketre jol ka hlemu ngöne la nöj.] Atre fe hi epuni laka hna ahnithe hë la itre ewekë cili hnine la Tusi Hmitrötr? [Nue pi troa sa. Thupene lai, e jë la ketre xötr ka ihmeku memine lai ceitun, tune la Mataio 24:3, 7, 8; Luka 21:7, 10, 11; maine 2 Timoteo 3:1-5.] Tusi Hmitrötr a fe amaman la alien la hneijine së, memine la ka troa traqa kowe la itre atr. Aja i epuni kö troa hane atre hnyawa lai? [Nue pi troa sa. Hamëne jë la boroshür e angeic a ajan.] Thaa hna qeje thupene kö la boroshür. Ngo madrine huni hi lai e nyipunieti a ajan troa hamën la ketre hnepe ahnahna thatraqane la huliwa e cailo fen.”
4 Maine tre qaja ju pena tune la:
◼ “Nyimutre la itre atr enehila ka xouen la itre ewekë ka ngazo maine ka akötre pena pine la ketre ewekë ka traqa koi angatr. Itre xan a thele la kepin matre Akötresieti a nue la itre ewekë cili. Kola qaja xeciën hnei Tusi Hmitrötr laka, tro Akötresieti elanyi a axapon la akötr ne la itre atr. Hanawange la itre manathith hnei Akötresie hna troa hamën kowe la itre atr. [E jë la Salamo 37:10, 11.] Aja i nyipunieti kö troa hane atre hnyawa la ewekë cili?” Nyipune ju tune caha.
5 Thele jë troa xom la ëje me hnalapa ne lai atr ka kapa la boroshür, nge wange ju matre troa bëek troa iwai hmaca. Eje hnine la Huliwa Ne Baselaia ne Nofeba 2004, la itre mekun nyine ixatua. Maine kola kepe së ngöne la xötrei hnene la ketre atr, atreine hi tro sa nyiqaane etid ju fe kö me angeic ngöne la boroshür “ Veillez ! ” (Lapa Hmeke Jë!) maine ngöne la boroshür thele.
6 Loi e troa hetrenyi la boroshür ka hnyipixe thupene ju fe kö la hna ce ithanatan la hna cinyihane celë ngöne la Icasikeu Ne La Huliwa. Loi e tro la itretre cainöj memine la itre pionie a xome hmekuje hi la itre boroshür ka ijije koi angatr matre troa tro fë ngöne la itre pane hnepe drai ne lai ijine tro fë boroshür. Epi tro Iehova a amanathithin lai huliwa nyine atrunyi nyidrë, nge ka troa hetre thangane ka loi kowe la itre atr ka hni ka ajan e cailo fen.—Sal. 90:17.