Huliwaane Jë La Nöjei Pengöne Boroshüre Ngöne La Hna Cainöje Trootro
1 Ame la itre atr enehila, ke, angatr’a ajane troa ithahnataane la itre taane mekune ka isa pengön. Ame la epuni a troa cainöje trootro e treu julai, ke, loi e tro epuni a hetrenyi la nöjei pengöne boroshür, nge troa hnëkëne hnyawaane isa casi matre loi e troa ketr la itre atr ne la teritoar. Maine jë, epuni a ajane troa tupathe la ketre aqane trofë celë:
2 Maine kolo borooshüre “Musi ka troa hamëne hmaca la Paradaiso,” ke, hnyinge ju ka hape:
◼ “Troa tuneka la mele e celë fene hnengödrai e tro caasi hi Akötresieti a mus? [Nue pi troa sa.] Pine laka Akötresieti la ka troa musi kowe la fen’asë, drei lai aliene matre easë a sipone ngöne lo Thithi Joxu, ene lo hna hape Tretretroti anganyihunieti, lo hnei Iesu Keriso hna ini së. [Fe jë kowe la götrane 3, nge e jë la pane paragaraf, lo hna fejane la Mataio 6:10.] E maine nyipëti a ajane troa hane mele ngöne la fene hnengödrai ka tune lai, ke, nyipiewekë tro nyipëti a pane e la boroshüre celë.” Hamëne ju pe la epuni a tro.
3 Nge maine kolo boroshüre “E Meci Hë La Atr Hne Së Hna Hnim,” ke, tupathe troa hape:
◼ “Hapeue la mekune i nyipë, tro kö a traqa la ketre ijine tha tro hmaca kö a meci hnene la ketre atr hne së hna hnim? [Nue pi troa sa.] Lolo catre la boroshüre celë hna cinyihan’eje nyine thuecatrene la itre milio lao atr, hetre itre hna thingehnaeane hnene la Tusi Hmitrötre thatraqane la drai cili, ene laka pë hmaca kö tro la atr hne së hna hnim’a mec. [Fe jë kowe la götrane 5, nge e jë la hnafaifine paragaraf, me 1 Korinito 15:21, 22. Thupene lai, fe jë kowe la iatr ngöne la götrane 30.] Hna amamane e celë la madrine së troa iöhnyi hmaca memine la itre ka meci hë hne së hna hnime ngöne la ijine melehmaca. Ngo, eka hnene la atr hna troa melehmaca? Tro la boroshüre celë a amamane koi epuni la hna qaja hnei Tusi Hmitrötr.” E hna kapa la boroshür, ke, qaja ju fe ka hape: “Eni a ajane troa bëeke hmaca matre ithahnataane me nyipë la mekune celë.”
4 Nge maine tro epuni a amamane la boroshüre “Dieu se soucie-t-il vraiment de nous?” ke, loi e troa trongëne la aqane trofë celë matre thelejëne troa nyiqaane inine la Tusi Hmitrötre kowe lai atr:
◼ “Alanyimu la itre atr ka hnyingë pengöne la Tusi Hmitrötr. Ma epuni fe a thele la aqane troa sa la hnyinge celë ka ketr la ka alanyim, kola hape: ‘Hapeu, Akötresieti a kukehni së?’ ” E maine epuni a ithahnataane la itre götrane 3-4, me e la Isaia 14:24, ke, nyine nyijëi epuni troa nyiqaane inine la Tusi Hmitrötre kowe la ketre atr. Nyipune ju troa hamëne la boroshür, nge ce axeciëne ju la ketre ijine göi troa iwaihmaca matre jëne tro epuni hmaca a troa ithahnatane la itre xaa hnying.
5 Maine aja i epuni troa tupathe la aqane trofë celë ka tha jole kö, memine la boroshür “Epi thatraqai nyipunie la mel ka tha ase palua kö e celë fene hnengödrai!”:
◼ “Ame la ketre pane ewekë hnenge hna inine ngöne la Tusi Hmitrötr, ke, ene la atresiwa i Akötresie. Hapeu, atre fe hi nyipë la ejë i Nyidrë? [Nue pi troa sa.] Eni a ajane troa pane amamai nyipë. E celë hnine la Tusi Hmitrötr, ngöne la Salamo 83:18. [E jë.] Kola qejepengöne hnene la boroshüre celë la aqane troa hmi koi Akötresie thenge la aja i Nyidrë. E maine nyipëti a ajane troa atrepengöi Iehova hnyawa, ketre tune la itre trepene mekune i nyidrë, ke, loi e tro nyipëti a e la boroshüre celë.” Hamëne ju la boroshüre kowe lai atr.
6 Loi e hetrenyi the së la nöjei boroshüre nyine troa trofë ngöne la treu celë, enyipicine hi lai laka itre atr ka hnëkë hnyawa së göi “troa cainöjëne la maca ka loi kowe la ite ka aköt.”—Isa. 61:1.