Qaja Trongëne Jë La Maca Ka Loi Ne La Baselaia Jëne La Itre Boroshür
1 Drei la madrine ka tru troa atre la nyipici, me troa ce mele memine la itre ka catre cainöjëne la maca ka loi! Tru catre la ajane la itre atr ka mele e tröne la organizasio i Iehova, troa drenge la maca ka loi ne la Baselaia. Thaa jole kö e troa trotrohnine la aqane qejepengöne la nyipici ne Baselaia, hnine la itre boroshüre, ene Epi thatraqai nyipunie la mel ka tha ase palua kö e celë fene hnengödrai!, Musi ka troa hamëne hmaca la Paradraiso, me “Voici, je fais toutes choses nouvelles.” Itre eje a qejepengöne hnyawa, tune la ketre iatr, la mele fene la Baselaia i Akötresie, nge kola köja gojenyine fe la itre atr ka e la itre boroshüre cili kowe la itre enyipicine la Baselaia, lo hna qejepengöne hnyawa e hnine la Wesiula i Akötresie. Eje hi laka, ame la kola amë pe la ketre boroshüre thene la ketre atr ka ajan, ke, kolo petre hi lai a nyiqaane la huliwa së. (1 Kor. 9:23) Loi e tro së a canga wange hmaca la itre atr ka xome la itre itusi së, nge loi e troa hetrenyi pala hi la mekune the së, laka, troa nyiqaane etid jëne la itus La connaissance qui mène à la vie éternelle. Tro së a aeatrëne tuneka la mekune celë e treu ogas?
2 Loi e troa hamëne la boroshüre “Epi thatraqai nyipunie la mel ka tha ase palua kö e celë fene hnengödrai!”, jëne la ketre aqane tro fë ka thaa qea kö. Maine epuni a amamane la icetröne ej, ke, qaja ju ka hape:
◼ “Eni a ajane troa amamai epuni la ketre ewekë, ka qatrenge la ketre maca ka loi.” Fe jë la boroshüre Mel e celë fene hnengödrai, nge e jë la pane paragarafe ngöne la hna pane cinyihan. Thupene lai, sisedrëne jë ka hape: “Eje a sa la hnyinge celë [fe jë kowe la hna cinyihane hune la iatr naba 8]: ‘Pine nemene matre, kola meci la atr?’ Tro epuni a öhne la enyipi ewekëne la itre iatr memine la itre xötre hna cinyihane hnine la boroshüre celë; ijije troa nyiqane etid jëne itre ej. Maine aja i epuni fe troa hane inin, hetre madrinenge tro epuni a kapa la boroshüre celë.”
3 Nemene la nyine tro epuni a bëeke troa qaja ngöne la epuni a wange hmaca lai atr ka kapa la boroshüre “Mele e celë fene hnengödrai”? Loi e tro epuni a tupathe la aqane tro fë celë:
◼ Amamane jë la iatr naba 49 ngöne la boroshüre Mel e celë fene hnengödrai, nge hnyinge ju ka hape, “Hapeue la mekune i epun, thaa mingöminge kö la iatre celë? [Nue pi troa sa.] Eje e hnine la boroshür, hnenge hna amë pe ngöne lo pane traqa ni. Eni a ajane troa qaja koi epuni la hnyinge ka eje ngöne la götrane thupen.” Fe jë kowe la iatr naba 50 nge e jë la hnying: “ ‘Hapeu, aja i epuni kö troa hane mele tingetinge utihë epine palua hnine la paradraiso celë ka lolo?’ [Nue pi troa sa.] Maine aja i epuni fe, ke, pane mekune ju la hnene eje hna qaja göne la itre ewekë nyine tro epuni a kuca: ‘Nge troa thele troa atrepengöne hnyawa la hnei Akötresie hna qaja.’ [E jë la Ioane 17:3.] Atraqatre la madrinenge troa inine la Tusi Hmitrötre koi epuni, nge ka pëkö thupene la ini celë. Hapeue, aja i epuni kö?” Ce wange ju la ketre ijin, matre tro hmaca a bëeke troa iwai.
4 Maine epuni a troa hamëne la boroshüre “Voici, je fais toutes choses nouvelles,” ke, pane amamane ju la icetröne ej, nge thupene lai hnyinge ju ka hape:
◼ “Hapeue la mekune i epun, nemene la nyine troa kuca, matre tro la fene hnengödrai a traqa kowe la pengöne celë?” Nue pi troa sa. Qaja jë la itre xaa götrane la iatr, hna qejepengöne ngöne la götrane 3. Thupene lai, qaja ju ka hape: “Alanyimu catre la itre atr ka mekune ka hape, thatreine kö troa traqa tune lai kowe la fene celë. Ngo ame pe, thaa ka jole kö koi Akötresie, atreine hi Nyidrë troa aejëne lai. [Qaja ju la itre mekune ngöne la paragarafe 43; nge e jë la Isaia 9:6, 7.] Hnei Akötresie hna thingehnaeane laka, tro Nyidrëti a axulune la fene ka hnyipixe, hna troa mele ngön hnene la itre atr ne la nöjei nöje asë, nge tro hë angatre a mele madrine hnine la paradraiso ka sheming. Eni a ajane tro nyipëti a hane e la boroshüre celë. Eje a troa amamane la aqane tro epuni me fami i epun, a hane melëne la itre drai elanyi ka sheming, tune la aqane hnëkëne i Akötresie.”
5 Ngöne la kola iwaihmaca, ijije tro epuni a xome la boroshüre “Voici!” nyine troa qaja la kepine matre nyipi ewekë catre troa atrepengöne hnyawa la Tusi Hmitrötr. Maine jë tro hmaca epuni a amamane la icetröne, me qaja ka hape:
◼ “Ame ngöne lo eni a pane xötrei amamai nyipë la iatr celë, ke, caasi hi lo mekune so laka, atreine hi tro së a mele madrine ngöne la fene ka sheminge celë. Maine hetre ajane the së troa aejëne lai, ke, hetre ewekë nyine tro së asë a kuca.” Fe jë la boroshüre “Voici!” ngöne la paragarafe 52; e jë la paragarafe memine la xötre ngöne Ioane 17:3. Qaja jë la mekune ne la iatr ngöne la paragarafe 53, ka qaja la sipu ini qa hnine la Tusi Hmitrötr, nge thupene lai, qaja jë ka hape, itre Temoë i Iehova a hamëne gufane la ini celë ngöne la itre hnalapa. Amamane jë la aqane troa etide jëne la itus Connaissance.
6 Ngöne la kola hamëne la boroshüre “Musi ka troa hamëne hmaca la paradraiso,” ke, tupathe ju troa qaja ka hape:
◼ “Hnenge hna drenge la itre atr ka alanyimu ka qaja ka hape, angatre ajane troa mele fene la ketre musi ka atreine troa apaatrene la itre jole ka tru, hne së hna qëmeke kow enehila. [Qaja ju la itre jole celë; tune la pë huliwa, maine ngöne la aqane elë trootro la ihumuth, maine xomi doroge menu la itre atr pena.] Thaa nyipi loi kö nge thaa lapa hnyawa kö la hni së ngöne la easë a mekune la itre drai ka troa xulu, a thaa mele së hmekuj, ngo ene fe lo itre atr hne së hna hnim. Hapeue la mekune i nyipë, tro kö a hetrenyi la ketre musi ka troa apaatrene la itre jole celë? [Nue pi troa sa.] Maine jë hnei nyipë hë hna hane thithine lo thith i Joxu. Maine eje hi, ke, hapeu, atre fe kö nyipë laka, nyipë a thithi troa sipone la musi ka meköt?” Fe jë kowe la götrane 3 ngöne la boroshüre Mus, nge e jë la lue pane paragaraf. Hamëne ju la boroshür.
7 Maine hna amë pe la boroshüre “Musi ka troa hamëne hmaca la paradraiso,” ngöne la kola iwaihmaca, qaja ju ka hape:
◼ “Hne so hna ce porotrikëne ngöne lo traqa ni hnapan, la aja ne la itre atr, troa hetrenyi la ketre baselaia ka meköt, ka atreine troa apaatrene la itre jole ne la atr. Hna amamane hnene lo boroshüre hnenge hna amë pe, laka, Baselaia i Akötresie hmekuje hi la nyine tro së a mejiun kow. Itre atr a isa thele la hna troa kuca hnene la musi celë, matre troa aloine la aqane mele së. Tusi Hmitrötre a amamane ka hape, hnei Keriso hë hna mama, ngöne la itre jole hna thatreine cile kow hnene la itre hene ne fen.” Fe jë la boroshüre Mus ngöne la götrane 29, nge e jë la foa lao paragarafe hnapin. Thupene lai, qaja ju ka hape: “Hapeu, thaa koko kö lo itre drai la ka mingöminge elany? Ajane kö epuni troa hane mele ngöne la ijine cili?” Nue pi troa sa. E jë la Ioane 17:3. Xatuane jë lai atr troa inine hnyawa la Tusi Hmitrötr, jëne la etid ngöne la isa hnalapa.
8 Maine epuni a hamëne la itre xaa boroshür, ke, ijije tro epuni a hnëkëne la itre nyine qaja, ene la sipu aqane tro epuni a nyiqane ithahnata ngöne la epuni a tro fë itre ej, nge xomi tulu ju qa ngöne la itre mekune celë, hne së hna ce wange hë. Hnëkë hnyawa ju, nge thele jë la manathithi qa thei Iehova, ngöne la epuni a qaja trongëne la maca ka loi ne la Baselaia.