Aqane Troa Maca Ngöne La Hna Cainöj​—Troa Cainöj Jëne Telefon

ENYIPIEWEKËN: Ketre aqane troa “anyipicine la maca ka loi” la troa cainöj jëne telefon. (Hu 20:24)a Jëne lai, easa cainöj kowe la itre atr laka, tha ijije kö tro sa iöhnyi me angatr.

AQANE TROA KUCA:

• 

  Hnëkë jë. Iëne jë la ketre mekune hna pi ithanatane hnene la itre atr. Nge eköthe jë la nyine tro epuni a qaja. Hnëkëne jë la ketre nyine tro epuni a qaja, e tha sa kö la telefon hnene la atr, nge répondeur. Ma ka loi e tro epuni a lapa ngöne la ketre laulau me xom la itre ewekë hnei epuni hna ajan, tune la ketre tablet maine telefon, hna fe la application JW Library^® maine jw.org^®

• 

  The xou kö. Ithanata jë kösë epuni a porotrik. Dredrehnyima jë, nge enije jë kösë epun qëmekene la atr. Nge loi e tro palahi epuni a ithanata. Ce cainöje jë jëne telefon memine la itre xa trejin. Ame la kola hnyinge hnene la atr, qaja catrëne jë la hnyinge i angeic, matre tro la trejin ka ce cainöj me epun a dreng, me hane xatua epun

• 

  Thele jë troa iwai hmaca. Maine kola pi porotrik lai atr, qaja jë la ketre hnying nyine tro pë epon a ce wang. Nge, e aja i angeic, tro fë jë koi angeic la ketre itusi së, maine iupi fë jë jëne mail, maine tus. Maine pena, iupi fë jë la ketre video, maine ketre tane mekune jëne sms maine mail. Amamai angeice jë la site së.