Itre Keme Me Thin, Xatuane Jë La Itre Nekö i Epun Troa Inamacan

Easa mel ngöne la fen laka, ame la ngazo, ke, loi, nge ame la loi ke, ngazo. (Is 5:20) Ngazo pe, itre xan a kuca la itre ewekë hna methinëne hnei Iehova. Ame la itre xa trahmany, angatr a wesiwes kowe la itre xa trahmany, tui itre föe mina fe. Tro la itre sine ini me itre xa atr a ajojezine la itre nekö trahmanyi me nekö jajinyi ne la ekalesia. Nemene la aqane tro epuni a xatuane la itre nekö i epun troa cile kowe la jole celë?

Inine jë la itre nekö i epun la itre trepene meköti Iehova, ke, celë hi lai ka troa thupë angatr. (Le 18:3) Ini angatre jë la mekuna i Tusi Hmitrötr göi ce meköle trefën, thenge la macatre i angatr. (De 6:7) Isa hnyinge jë ka hape: ‘Eni kö a amamane kowe la haa neköng laka, hetre ifegone la aqane troa ketri angatr, me aqane troa heetr, me aqane troa metrötrëne la ngönetrei angatr? Atreine kö angatr la aqane troa ujë e amamane ju la ketre ifoto ka sis maine kolo pena a upi angatr troa kuca la ketre ewekë ka sis?’ Aqane tro epuni lai a hnëkëne la itre nekö i epun, ka tro hi lai a thupë angatr qa ngöne la itre akötr ka tru. (Ed 27:12; Cai 7:12) Aqane tro epuni lai a wangatrune la edrö i epun qaathei Iehova.—Sa 127:3.

GOEËNE JË LA VIDEO HNA HAPE, XUPI UMA JË KA CILE HUT—THUPËNE JU LA ITRE NEKÖI EPUNI QA NGÖNE LA ITRE EWEKË ‘KA NGAZO’ NGE SA JË CAHU ITRE HNYING:

• 

  Hnauëne laka, itre xa keme me thine a cile troa ithanata ce meköle trefëne memine la itre nekö i angatr?

• 

  Hnauëne laka, tro la itre keme me thin a hiane la itre nekö i angatr ngöne “la itre ihaji me itre ini qaathei Iehova”?—Ef 6:4

• 

  Nemene la itre jia ne huliwa qaathene la organizasio i Iehova ka troa xatuane la itre keme me thine troa ithanata ce meköle trefëne memine la itre nekö i angatr?—w19.05 12, hna eköhagen

• Hnauëne laka, nyipiewekë tro la itre keme me thin a ithanata lapa memine la itre nekö i angatr qëmeken troa traqa la itre jol?